"Biz bugun yaxshi o'yin ko'rsatdik. Birinchi taymda ikkita yaqqol vaziyat yaratdik, o'yin tomonlama biz ustunlik qildik. O'zbekiston jarima zarbasidan unumli foydalandi. Bu taraflama ularga omad kulib boqdi. Umuman olganda biz zo'r o'ynadik, hujumlar uyushtirdik. O'yindan kelib chiqsak, kamida bir ochko ishlashga munosib edik. Birinchi o'yin bo'lgani uchun ozgina hayajon sezildi. Buyog'iga asosiy etiborni kelgusi bellashuvlarga qaratamiz. Yaponiya va Turkmanistonga qarshi o'yinlarda 4 ochko olishni istaymiz. Agarda bu reja amalga oshsa, unda guruhdan chiqishni uddalasak kerak deb o'ylayman
Biz juda ko'plab o'yinlarda qator vaziyatlar yuzaga keltiramiz. Ammo hujumlarga oxirgi nuqtani qo'yishda oqsayapmiz. Yaratilayotgan vaziyatlarni golga aylantirish muammosi bizga pand bermoqda", - deya o'yin haqidagi taassurotlari bilan o'rtoqlashdi Pim Verbek.
- O'zbekiston siz kutgan o'yinni namoyish etdimi? (Xayrulla Xoliqov, "championat.asia")
- Raqib birinchi bo'limdan gol urib olganidan so'ng to'liq himoyaga yotib oldi. Umuman olganda uchta imkoniyatdan ikkita gol urdi va bu yutuq uchun etarli bo'ldi. Futbolda eng muhimi natija. Biz bugun chiroyli o'ynagan bo'lishimiz mumkin, ammo yakunda bu naf bermadi. Raqib esa sanoqli vaziyatlardan naf chiqara oldi. Bugun kechqurun Yaponiya - Turkmaniston uchrashuvini ko'rib, tahlil qilaman. Ertaga esa o'zimizni o'yinni tomosha qilib, uchrashuvni to'liq tahlil qilamiz.
Bosh sahifaga
157