"Osiyo Kubogidagi birinchi o'yin bo'lganligi uchun barchada hayajon bilindi. Lekin qiyin bo'lsa ham g'alabaga erishdik. Bundan barcha xursand. Xudo xohlasa keyingi bahsda bundan yaxshiroq o'ynashga harakat qilamiz", - deb gap boshladi Eldor SHomurodov.
- Uchrashuv tugashiga 5 daqiqa qolganida zaxiradan tushdingiz. Kuper sizga nimadir dedimi?
- Birinchi to'pga yugur, imkon qadar yaqinroq o'ynadi deb aytdi.
- Gol urilgan vaziyat haqida nima deya olasiz?
- Ikrom menga pas berdi, bu shunchaki o'yindagi vaziyat bo'ldi. Muhimi gol emas, muhimi g'alaba.
- Osiyo Kubogidagi debyut uchrashuvida gol urdingiz...
- To'g'risi bu haqda o'ylamadim. Lekin g'alaba qozonganimizdan xursandman.
- Keyingi bahs Turkmaniston bilan. Bugun qo'shnilarimiz Yaponiya bilan deyarli tengma-teng o'ynashdi...
- Turkmaniston ham yaxshi jamoa ekanligini ko'rinib turibdi. Lekin bugun ilk uchrashuvda yutib oldik, o'ylaymanki keyingi bahsda bundan yaxshiroq o'ynaymiz.
Narzulla Saydullaev SHarja shahridan
Bosh sahifaga
368