"Uzoq kutilgan o'yinni o'tkazdik va g'alaba qozondik. Natijadan barcha xursand. Ummon men kutganga nisbatan birmuncha kuchliroq ko'rindi. Bu kabi tezkor va hujumkor o'yin ko'rsatishini kutmagandim ochig'i. Menimcha, har ikkala taym ikki xil ko'rinishda bo'ldi. Birinchi bo'limda biz yaxshiroq o'ynadik. Ikkinchi taymda esa jamoa bo'shashdi. Natijada o'yin tenglashdi. Ammo uchrashuv so'nggida omad biz tomonda bo'ldi va g'alabani tantana qildik. Muhimi startni alo kayfiyat bilan boshladik", - deya so'z boshladi Ektor Kuper.
- Ikkinchi bo'limda o'yinni chuqur himoyadan boshlash sizning rejangizmidi? (SHuhratbek Jo'raev, "Futbol Ekspress" gazetasi)
- Aynan shunday ko'rsatma berganim yo'q. Men jamoadan ko'proq to'p bilan muomula qilib, o'yinni nazorat qilishni takidlagandim. Lekin Ummonning tanaffusdan keyingi o'yini ko'p narsani o'zgartirib yubordi. SHuning natijasida himoyalanishga majbur bo'ldik.
- Osiyo Kubogi endi boshlandi. Lekin mening nazarimda futbolchilarimiz tetik ko'rinishmayotgandek... (Xayrulla Xoliqov, "championat.asia")
- Futbolchilarimiz charchagan edi deya olmayman. Lekin ularda asabiy holat kuzatildi. SHu boisdan ham sizga tetik emasdek ko'ringan bo'lishi mumkin.
- Pozicion hujumlar tashkil etishda muammolar ko'rinib qolmoqda. Birinchi gol standart vaziyatidan, yani Ahmedovning individual mahorati evaziga, ikkinchi gol esa murabbiyning topqirligi evaziga tushirilgan SHomurodovning individual mahorati tufayli urildi. Marat Bikmaev va Javohir Sidiqovning o'yini haqida fikringizni bilmoqchi edim (SHahboz Beg'amov, "championat.asia")
- Men doim jamoaviy o'yinga etibor qarataman. Alohida futbolchilarni yoki ularning individual harakatlarini tahlil qilmayman. Ular bilan yakkama-yakka gaplashib, bazi narsalarni muhokama qilishim mumkin. Lekin futbolchilarga alohida baho bermayman.
Bosh sahifaga
69
