- Osiyo Kubogidagi debyutingiz va tug'ilgan kuningiz bilan tabriklaymiz. O'zbekiston - Ummon uchrashuvi haqida qanday fikrdasiz?
- Tabrik uchun rahmat. Bahs qiyin o'tdi, lekin shunga qaramay g'alabaga erishdik. Bu tug'ilgan kunimga ajoyib sovg'a bo'ldi.
- O'zbekiston terma jamoasi hujumga o'tishda qiyinchiliklarga duch keldi. Ektor Kuper o'yindan oldin qanday ko'rsatma bergan edi?
- Murabbiy to'p bilan ko'proq muomala qilish haqida gapirgandi, ammo raqib bunga imkon bermadi. Ummon terma jamoasi to'pni o'zida saqlab, pas o'ynashdi. Bugungi o'yinda bir-birimizni tushunishda muammolar yuzaga keldi, balki bunga o'rtoqlik o'yinlar o'tkazilmagani sabab bo'lgandir. Lekin g'alabaga erishdik, eng asosiysi shu.
- O'yin yakunlanishi bilan futbolchilar maxsus yo'lakcha orqali sizni tug'ilgan kuningiz bilan tabriklashdi...
- Juda yoqimli bo'ldi. Osiyo Kubogidagi debyut o'yinim tug'ilgan kunimga to'g'ri keldi va unda g'alabaga erishdik. Juda xursandman.
Bosh sahifaga
172