Haydarov gol urdi, lekin “Al-SHabab” finalga chiqa olmadi

Osiyo CHempionlar ligasi “pley-off” bosqichidagi raqibimiz – “Al-SHabab” klubi Dubay derbisida “Al-Ahli”ga imkoniyatni boy berib qo'ydi – 2:3.

46-daqiqasida “Al-SHabab” vakili braziliyalik Joning goliga “Al-Ahli”ning senegallik legioneri Musa Sov 71, 79 va 83-daqiqalarda o'z “xet-trik”i bilan javob qaytardi. 86-daqiqada Azizbek Haydarov penaltidan gol urib, hisobni qisqartirishga erishdi. Oradan ko'p o'tmay, “Al-SHabab” yana bitta penalti tepish huquqini qo'lga kiritdi. Biroq bu safar nuqtaga yaqinlashgan Enrike Luvannor zarbada adashdi.

SHu tariqa, bitta uchrashuvdan iborat yarim final bahsida “Al-Ahli” futbolchilari 3:2 hisobida g'alaba qozonishib, final yo'llanmasini qo'lga kiritishdi. Endi hal qiluvchi bahsda Kosmin Olariu shogirdlari “Al-Vahda” klubi bilan kuch sinashishadi.

19.01.2016
Liga kubogi, yarim final
“Al-SHABAB” – “Al-AHLI” 2:3 (0:0)
Gollar: Jo 46 (1:0), Musa Sov 71 (1:1), Musa Sov 79 (1:2), Musa Sov 83 (1:3), Azizbek Haydarov 86 penalti (2:3)
CHetlatish: Muhammad Qosim 74
Noaniq penalti: Enrike Luvannor 88
“Al-SHabab” tarkibi: 18.Abdulla Salim, 3.Muhammad Ali, 4.Muhammad Marzuq, 7.Azizbek Haydarov, 9.Jo, 10.Karles Vilyanueva, 11.Enrike Luvannor, 15.Dovud Ali (29.Abdulrahim Xusayn 76), 22.Mani Ali, 25.Muhamad Qosim, 26.Hassan Ibrohim (77.Rashid Hassan 88)