“Bunyodkor” FK akkreditaciya jarayonini boshladi

Xabaringiz bor, “qaldirg'ochlar” 9 fevral sanasida CHempionlar ligasi guruh bosqichiga yo'llanma beruvchi, bitta o'yinlik bahsni Toshkentda BAAning “Al-SHabab” klubiga qarshi o'tkazadi. Agarda “Bunyodkor” bahsni o'zi uchun ijobiy yakunlasa, u holda jamoamiz guruh bahslarida ishtirok etish huquqini qo'lga kiritadi.

“Bunyodkor”ning uy uchrashuv(lar)ida o'yindan oldingi va keyingi matbuot anjumanlari, ishlash uchun qulay qilib jihozlangan media-tribuna, bellashuvga oid materiallar tarqatiladigan va qalamkashlar ishiga muvofiq taminlangan matbuot markazi, bellashuv qatnashchilari bilan bevosita suhbat qurish joyi bo'lmish mikst-zona hamda darvozalar ortiga (suratkashlar uchun) o'tib borish huquqini beradigan ruxsatnoma kartochkalarini olish uchun jurnalistlardan arizalar 20 yanvardan 1 fevralga qadar qabul qilinadi.

Buning uchun ommaviy axborot vositalari xodimlari “Bunyodkor” FK matbuot xizmatiga o'z tashkilotlari rahbari nomidan akkreditaciyadan o'tkazish uchun xat, 3,5x4,5 hajmdagi fotosurat va pasportdan nusxa taqdim etishlari so'raladi. Hujjatlar [email protected] manzilida elektron shaklda qabul qilinadi.

Qo'shimcha malumotlar uchun “Bunyodkor” FK matbuot xizmatiga murojaat etishingiz mumkin. Telefon: (+998 71) 230 40 59