Aver Mabil: "Avstraliya sharafini himoya qilayotganimdan afsuslanmayman"

- Falastin bilan o'tgan uchrashuv haqida fikringiz, g'alaba oson qo'lga kiritilgandek bo'ldi
Falastinga qarshi bahs yaxshi o'tdi. To'g'ri, bazi kamchiliklar bo'ldi, ularning ustida ishlaymiz. Iordaniyadan uchralgan mag'lubiyatdan to'g'ri xulosa chiqardik. Bugun raqibimiz juda yaxshi o'yin ko'rsatdi, biroq hujumda vaziyatlardan unumli foydalanganimiz uchun shunday hisob qayd etildi.
- Keniyada tug'ilib, Avstraliya sharafini himoya qilyapsiz...
- Ota-onam sudanlik. Hozir boshqa mamlakat sharafini himoya qilayotganimdan afsuslanmayman. Bir kun kelib Sudanda murabbiylik qilishni xohlayman.
Keniya haqida to'xtaladigan bo'lsak, ota-onam bir qancha vaqt Keniyada istiqomat qilishgan, o'sha paytda men dunyoga kelganman. 10 yoshga to'lganimda Avstraliyaga ko'chib ketganmiz.
- Hozir Evropa klubida o'ynayapsiz. Avstraliya va Evropa futbolidagi farqlarni aytib bera olasizmi?
- Evropa futbol vatani hisoblanadi. Ularni butun dunyo tomosha qiladi. To'g'ri, farq bor, ammo katta emas. Avstraliya A-ligasi Evropa klublariga o'tish uchun zina vazifasini o'tab beradi - deydi Aver Mabil.