"Nufuzli musobaqada terma jamoa safida debyut qilganimdan xursandman. Har kimga ham bu nasib etavermaydi. Men berilgan imkoniyatdan to'liq foydalanishni istayman. Barcha istalgan vaqtda maydonga tushishi mumkinligi ehtimoli bilan doimo safga chiqishga hozir-u nozir bo'lish kerak. Qanday o'ynaganimni murabbiylar baholashadi. Men qo'limdan kelgan barcha ishni qildim.
Qirg'iziston terma jamoasi istalgan raqib bilan kurashishga tayyor. Biz doimo g'alaba uchun maydonga tushamiz. O'yin qanday kechishidan qati nazar murabbiylar oxirigacha futbol o'ynash kerakligini takidlashadi.
Men darvozani qo'riqlaganimdan xursandman. Ammo uchrashuvdan oldin Koreyaga qarshi bahsda men tushishimni hayolimga keltirmagandim. Faqatgina murabbiy tarkibni elon qilganida buni tushunib etdim. Pavel Matyash bilan juda do'stona aloqadaman.
Yoqimli hayajon sezildi. Lekin maydonda buni avtomatik tarzda unutasan. Raqib kimligi ikkinchi darajaga chiqadi. Terma jamoadagi akalarim ham o'yindan oldin meni qo'llab-quvvatlab turishdi. Kuchli raqibga qarshi Osiyo Kubogi bahsida maydonga tushganimdan nihoyatda xursandman", - deya o'yin haqidagi fikrlari bilan o'rtoqlashdi Qirg'iziston terma jamoasi darvozaboni Qutman Qadirbekov.
Eslatib o'tamiz, Qirg'iziston terma jamoasi kecha Osiyo Kubogining 2-tur doirasida Janubiy Koreyaga qarshi maydonga tushdi. Uchrashuv taqdirini esa birgina gol koreyaliklar foydasiga hal etdi.
Qirg'iziston terma jamoasi uchinchi tur oldidan pley-off bosqichiga uchinchi o'rin bilan chiqadigan 4 jamoadan biri bo'lish imkoniyatini saqlab turibdi.
Bosh sahifaga
1553