Bundan to'rt yil avval, yani 2015 yil 11 yanvar sanasi "Lacio"ga qarshi Rim derbisidagi to'qnashuv.
"Birinchi bo'limda men juda yomon o'ynadim, xuddi shunday tarifni butun jamoamizning o'yiniga bersak bo'ladi. Natijada, birinchi bo'limdan so'ng – "Lacio" 2:0 hisobida oldinda borardi. Agar Garsiya meni almashtirganda, unga bir og'iz etiroz bildirmasdim.
Lekin Rudi va yordamchisi Fred birgalikda men bilan suhbatlashishga qaror qilishdi. O'yin rejasi, kim qaysi vaziyatda qaerga yugurishi aks etgan chizmada, faqatgina 10-raqamning "strelkalari" yo'q edi. "Jarima maydonidan chiqma, Franchesko, – dedi murabbiy. – Maydon bo'ylab yugurib yurishga kuching etmaydi, ammo jarima maydoni ichida sen nimadir qila olasan. To'pni qidirma, uni senga etkazib berishsin".
Bu ko'maklashish haqidagi gap, lekin shu bilan birga menga katta masuliyat yuklardi. Kiyinish xonasidan chiqib kelib, maydonga tushdim va darvozabonlar murabbiyi Gvido Nanniga imo qilib, reja haqida malum qildim.
Strootman to'pni havodan etkazib bergach, tezkor gol urishga muvaffaq bo'ldim. "Lacio" himoyasi meni ko'zdan qochirdi, hech kim men uzoq burchakda, Raduning ortida yolg'iz qolib ketganimni sezmay qoldi. Eng qizig'i, oradan 15 daqiqa o'tgach, vaziyat xuddiki takrorlandi. Bu safar to'pni Xolebas oshirib berdi va Cana va Raduning o'rtasida turganimda to'pga etish, hamda zarba berish uchun yiqilayotib zarba berishimga to'g'ri keldi. Oson bo'lmagandi. Keling, ochiqchasiga aytay, juda murakkab gol! Bunday holatda zarba berishni futbol maktablarida o'rgatishmaydi, bunda koordinaciyani saqlab qolish juda muhim.
Birinchi gol meni Rim derbisi tarixida to'purarlar poygasining birinchi pog'onasiga olib chiqdi. Ikkinchisi - xayrlashuv goli bo'ldi.
Bu mening Rim derbisidagi so'nggi golim edi. Men tomon yugurayotgan Gvidoga ko'zim tushdi, u rasmga tushish dasturiga kirib qo'yilgan telefon bilan yugurayotgan. Kurva Sud ("Roma" muxlislari guruhi nomi) aqldan ozayotgandi, hozir muxlislar yugurish yo'laklariga tushib ketadigandek edi. Men ularni kadrga oldim va uning bir chetida o'zim ham aks ettim, tabassum qilishimni kimdir kelib iltimos qilishiga hojat qolmadi. Klac va surat tayyor", - Totti.
Franchesko Totti o'sha mashhur selfiga tushganiga 4 yil bo'ldi.
Nozima Zaripova tarjimasi
Bosh sahifaga
1987