Joriy mavsumda jamoalar o'rtasidagi dastlabki to'qnashuvda "Tottenxem" Harri Keyn va Lukas Mouraning dubli evaziga g'alaba qozongadi. Mourino ketganidan keyin klubga rulini o'z qo'liga olgan Ole-Gunnar Sulsher mankunianiklarga g'alabali seriyalarni taqdim qildi. Bugungi o'yin shotlandiyalik mutaxassis uchun dastlabki jiddiy imtihon hisoblanadi.
Bugungi uchrashuvda etibor berish kerak bo'lgan futbolchilar: Son Xyon Min, Pol Pogba, Harri Keyn, Markus Reshford.
Bilib turganingizdek, ushbu o'yin Son Xyon Min uchun Osiyo Kubogi oldidan "Tottenxem" safidagi so'nggi uchrashuvi hisoblanadi. Bahs yakunlanganidan keyin Son Janubiy Koreya terma jamoasiga borib qo'shiladi. Koreyalik hujumchi oxirgi 6ta uchrashuvda 4ta gol urdi va o'zining formasi cho'qqiga chiqqan pallada turibdi. Pogba va Reshford Mourino ketganidan so'ng o'yinlarida ijobiy o'zgarish kuzatildi. Harri Keyn APL to'purarlari bahsida Obameyang va Salah bilan birgalikda peshqadamlik qilmoqda.
Jamoalarning so'nggi 8 uchrashuvida hisob teng - 4:4. "Tottenxem"ning oxirgi 4 uy uchrashuvida "shporlar" 3 marta zafar quchishgan. Umumiy o'zaro natijalar esa mankunianliklar tomonida. 90 marta g'alaba, 48 durang va 52 mag'lubiyat tarozi pallasi MYU tomoniga bosayotganini ko'rsatib turibdi.
Bugungi uchrashuvni Erik Dayer va Viktor Vanyama o'tkazib yuborishadi. Lukas Moura tizzasidan olgan jarohatidan yuz foiz tiklanib ulgurmagan. "Manchester Yunayted" tarkibida Pol Pogba kichik jarohatidan so'ng maydonga tushishi deyarli aniq bo'lib ulgurgan. Erik Bayi va Markos Roxoda hamon jarohat.
Tahminiy tarkiblar:
Tottenxem - Loris, Triper, Sanchez, Alderveyreld, Rouz, Uinks, Sissoko, Eriksen, Alli, Son, Keyn.
Manchester Yunayted - De Xea, Yang, Jons, Lindelyof, SHou, Errera, Matich, Lingard, Pogba, Marsyal, Reshford.
Tahminiy hisob: "Tottenxem" 3:3 "Manchester Yunayted"
Uchrashuv Toshkent vaqti bilan soat 21:30da boshlanadi.
Bosh sahifaga
1872