MATNLI TRANSLYACIYA
YANGILASH
- Jamoalar o'yinoldi mashg'ulotni yakunlab kiyim almashtirish xonasiga kirib ketishdi. Dastlab Turkmaniston, undan so'ng O'zbekiston terma jamoasi mashg'ulotni yakunladi.
- Nodirbek To'ychiev va o'sha mashhur do'ppi
- Jamoalar tarkibiga nazar tashlaydigan bo'lsak, qo'shnilar tarkibi o'tgan bahsda asosiyda tushgan futbolchilardan iborat. Hech qanday o'zgartirish kiritilmagan. Jamoa 5 himoyachi, 4 yarim himoyachi va bir hujumchi bilan o'ynaydi.
Ektor Kuper esa o'tgan bahsga nisbatan uchta o'zgarishga qo'l urgan. Biri majburiy, yani chetlatilgan Krimec o'rniga Islom To'xtaxo'jaev tushirilgan. SHuningdek, Rashidov va Bikmaevning sust o'yin o'tkazgani sabab zaxirada qoldirildi. Ularning o'rni Hamdamov va SHomurodov bilan to'ldirildi.
- Jamoalar stadionga etib kelishdi.
Stadiondagi muxlis va muxlisalarimiz
- Ektor Kuper birinchi o'yin bilan taqqoslaganda uchta o'zgarishni amalga oshirdi. Qizil olgan Krimec o'rnini To'xtaxo'jaev egalladi. Rashidov va Bikmaev o'rnini esa Hamdamov va SHomurodov egalladi.
- Assalomu alaykum qadrli futbol muxlislari! Dubaydagi "Rashid" stadionidan yozamiz. Bugun bu erda O'zbekiston terma jamoasi Turkmaniston bilan o'ynaydi. Uchrashuv Toshkent vaqti bilan soat 21:00da boshlanadi.
 Turkmenistan | Asian Cup Grp. F . 2-tur 13/01/2019, 21:00 - : - Boshlanmadi |  Uzbekistan |
Stadion: Rashid Stadium
Bosh hakam: Ammar Al-Jeneibi
"F" guruhi, 2-tur.
TURKMANISTON - O'ZBEKISTON
13 yanvar 2019. Dubay. "Rashid" stadioni. (21:00 Toshkent vaqti)
Bosh hakam: Ammar Al Junaybi (BAA)
Qanot hakamlari: Muhammad Al Hammadi va Hasan Al Mahri (ikkisi BAA)
Darvoza ortidagi hakamlar: Muhammad Abdulla Muhammad(BAA) va Turki Al Xudoyor (Saudiya Arabistoni)
Zaxira hakami: Muhammad Ala Bakri (Saudiya Arabistoni)
Turkmaniston (5-4-1): 1.Mammet Orazmuhammedov - 12.Serdar Annaorazov, 4.Mekan Saparov, 2.Zafar Babajanov, 5.Vezirgeldi Ilyasov, 6.Gurbangeldi Batirov - 8.Ruslan Mingazov, 21.Rasul Xo'jaev, 19.Ahmet Ataev, 7.Arslonmurot Amanov - 9.Vohit Orazsahedov.
Zaxira: 16.Batir Babaev, 22.Nikita Gorbunov, 3.Guymurot Annagulliev, 10.Suleyman Muhadov, 11.Murat Yaxshiev, 13.Merdan Gurbanov, 14.Ilya Tamurkin, 15.Mixail Titov, 17.Altimurot Annadurdiev, 18.Serdar Geldiev, 20.Murat Annaev, 23.Davron Orazaliev.
O'zbekiston (4-2-3-1): 1.Ignatiy Nesterov - 2.Akmal SHorahmedov, 20.Islom To'xtaxo'jaev, 5.Anzur Ismoilov, 13.Oleg Zoteev - 9.Odil Ahmedov, 19.Otabek SHukurov - 17.Dostonbek Hamdamov, 22.Javohir Sidiqov, 11.Jaloliddin Masharipov - 14.Eldor SHomurodov.
Zaxira: 21.O'tkir Yusupov, 12.Sanjar Quvvatov, 3.Doston Tursunov, 4.Farrux Sayfiev, 6.Davron Hoshimov, 7.Sardor Rashidov, 8.Ikrom Aliboev, 10.Marat Bikmaev, 23.Odil Hamrobekov, 18.Fozil Musaev, 16.Aziz Turg'unboev.
Malumot o'rnida:
- BAAda o'tayotgan Osiyo Kubogi vakillarimiz uchun 7-ishtirok. Terma jamoamiz 1996 yilgi qita chempionatidan boshlab ketma-ket etti bor Osiyo Kubogida uzluksiz ishtirok etib kelishmoqda.
- Eng yomon natija: OK-1996 va OK-2000 guruh bosqichi
- Eng yaxshi natija: OK-2011 yarim final
- O'zbekiston terma jamoasi hozirgacha musobaqa tarixida jami 25 uchrashuvda maydonga tushgan - 12 g'alaba, 3 durang va 10 mag'lubiyat (to'plar nisbati - 37:45)
- O'zbekiston va Turkmaniston terma jamoalarining o'zaro o'yinlaridagi ustunlik yaqqol biz tomonda - 7 g'alaba, 1 mag'lubiyat va 1 durang.
- Turkmaniston Osiyo Kubogida jami 4ta o'yin o'tkazgan va umuman g'alaba qozona olmagan: 1ta durang va 3ta mag'lubiyat. Etiborlisi uchala mag'lubiyat ham bir to'p farqi bilan bo'lgan.
- Turkmanistonning Osiyo Kubogidagi 4ta o'yinida 15ta gol urilgan (6ta gol urgan va 9ta gol o'tkazgan). Bitta bahsga o'rtacha 3,8tadan gol to'g'ri keladi.
- O'zbekiston terma jamoasi uchinchi bor guruh bosqichini ikkita g'alaba bilan boshlashi mumkin. Hamyurtlarimiz 2004 va 2011 yilda dastlabki ikki uchrashuvda g'alaba qozongan.
- O'zbekiston Turkmaniston bilan Osiyo Kubogi doirasida faqat bir marta to'qnash kelgan. 2004 yilgi musobaqada vakillarimiz 1:0 hisobida g'alaba qozonishgan.
- O'zbekiston terma jamoasining Osiyo Kubogidagi dastlabki gol mualliflariga aylangan futbolchilar: (1996-Igor SHkvirin), (2000-Mirjalol Qosimov), (2004-Mirjalol Qosimov), (2007-avtogol), (2011-Odil Ahmedov), (2015-Igor Sergeev), (2019-Odil Ahmedov).
Fakt: Ignatiy Nesterov Osiyo Kubogidagi debyut uchrashuvini 2004 yil aynan Turkmaniston bilan bahsda nishonlagan.
Bosh sahifaga
234