"Uchrashuv biz uchun juda yaxshi o'tdi. Birinchi bo'limning o'zida to'rtta gol urganimiz ham buning isboti deb o'ylayman.
Xudo xohlasa keyingi uchrashuvda Yaponiyaga qarshi bundan ham yaxshiroq o'yin ko'rsatamiz. Ushbu bahsda o'z imkoniyatlarimizni sinovdan o'tkazib olamiz. CHunki, turnir davomida baribir qitamiz gigantlariga qarshi to'qnash kelamiz. Nasib qilsa, o'sha bahsda yaxshi o'yin namoyish etib, birinchi o'rinni qo'lga kiritishga harakat qilamiz.
Pley-offdagi raqib? Agar biz chempion bo'lishni istasak raqib kim bo'lishining ahamiyati bo'lmasligi kerak. Baribir musobaqa davomida kuchli raqiblarga qarshi o'ynaymiz. Muhimi, kuchni to'g'ri taqsimlab, o'yindan-o'yinga kuchayib borishdir.
Zaxirada qolayotganim? Bu futbol. Murabbiy meni zaxirada qoldirayotgan ekan, demak bu to'g'ri. Meni zaxiradan maydonga tushib, o'yinni kuchaytiruvchi sifatida foydalanishi ham mumkin. Balki, umuman maydonga tushirmas? Nima bo'lganda ham, bu uning qarori. Murabbiyning qarorini hurmat qilish lozim.
Tanaffusda murabbiy professionallikni ko'rsatish lozimligi, bo'shashmasligimiz kerakligi haqida gapirdi. Ortiqcha jarohatlardan holi bo'lishimiz lozimligi, ushbu hisobni ushlashimiz kerakligini aytdi.
Ikkinchi bo'limda biroz bo'shashganimiz uchun murabbiy asabiylashdi. O'yin oldidan berilgan ko'rsatmalar to'liq bajarildi deb hisoblayman", - dedi Aliboev.
Bosh sahifaga
101