Hamidjon Aktamov: “Ushbu hafta Farg'onaga boramiz”

SHu va boshqa savollarga javob topish maqsadida jamoa menedjeri Hamidjon G'ulomovichga murojaat qildik.

- Hozircha Navoiydamiz. Kuniga ikki mahaldan mashg'ulot olib borilmoqda. Rejaga ko'ra ushbu hafta Farg'onaga yo'l olamiz. Sababi jamoamizni shaxsan Farg'ona futbol federaciyasi rahbariyati bo'lajak yani hokim kubogi turniriga taklif etgan. 24 yanvar kuni Farg'onaga jo'nab ketamiz va 29 kuni start oladigan turnirga o'sha erning o'zida tayyorgarlik ko'ramiz. So'ngra hokim kubogida ishtirok etamiz. O'ylaymanki bu musobaqa “Qizilqum” uchun ham foydali bo'ladi. 

- Tarkibdagi o'zgarishlar keladigan bo'lsak, Ilhom Yunusov, Alisher Yusupovdan so'ng Samandar SHodmonov ham yaqinda safimizga kelib qo'shildi. Bu futbolchilarning yangi mavsumda jamoamiz sharafini himoya qilishi deyarli aniq bo'lib ulgurdi. Bundan tashqari yana bir qator o'yinchilar bilan muzokara olib bormoqdamiz. Farg'ona viloyati hokim kubogi turnirida yangi o'yinchilarni ham sinovdan o'tkazamiz. 

- Yashirmayman Dilshod Rahmatullaevga taklif bilan chiqqandik. Ammo u bilan kelisha olmadik. Aniqrog'i futbolchining talablari bizga to'g'ri kelmadi.  

- Artyom Makosin hech qaerga ketmaydi. SHuningdek yana bir darvozabon Erkin Jabborovni ham biz bilan shartnomasi mavjud. Ular bizga ham kerak. 

- Farruh Haydarov bilan xayrlashishimiz mumkin. Umuman olganda Farg'onadagi turnirdan so'ng ayrim futbolchilarimiz bilan hamkorlikni to'xtatishimiz mumkin. Bu ko'proq o'yinchilarning o'ziga bog'liq. Agarda xarakat qilib, ijobiy jihatdan o'zini ko'rsata olsa qolib qolinadi - deydi Hamidjon Aktamov. 

Islombek Rustambekov suhbatlashdi.