Sven-Yoran Eriksson: "Qirg'izistonga qarshi o'yin ahamiyati nihoyatda yuqori"

Unda dastlab Filippin bosh murabbiyi Sven-Yoran Eriksson jurnalistlar savollariga javob qaytardi.

"Ertangi bahs jamoamiz uchun oson bo'lmaydi. Ikkala jamoa ham dastlabki turlarda ochko jamg'ara olishmadi. Lekin Qirg'iziston ham, biz ham keyingi bosqich yo'llanmasini qo'lga kiritish imkoniyatini saqlab qolganimizga ishonamiz. Raqib safida yaxshi darajadagi futbolchilar etarli. Ayniqsa hujum chizig'i va jamoaning 9-raqamdagi pleymekerini (Edgar Bernxardt - tahririyat) alohida ajratib ko'rsatishim mumkin. Qirg'iziston terma jamoasining ikkala qanoti yaxshi ishlaydi, muhimi tezkor. Raqib haqida iliq fikrlarni bildirishim mumkin. Juda yaxshi jamoa to'plangan. Ertangi o'yin oldidagi eng muhim jihat, bu Filippinda ham, Qirg'izistonda ham nazariy imkoniyatlar saqlanib qolgani. Bu o'yin bezagi hamda ahamiyatini yanada oshiradi. Lekin keyingi bosqich masalasini hal etish uchun shunchaki g'alaba kamlik qilishi mumkin. Buning uchun ko'proq to'p farqidagi yutuq har ikkala jamoaga ham zarur. SHuningdek, boshqa guruhlardagi holatlarni ham kuzatishga to'g'ri keladi. Umid qilamanki, ertaga g'alaba qozonamiz va bu bizga kerakli natijani beradi", - deya o'yin oldi fikrlari bilan o'rtoqlashdi Filippin ustozi Sven-Yoran Eriksson.

SHahboz Beg'amov

Dubay, "Rashid" stadioni.