Dastlab unda Iroq bosh murabbiyi Srechko Katanec va futbolchi Humam Tariq qatnashdi.
"Guruhdagi dastlabki ikki o'yindan so'ng 6 ochko to'pladik. Keyingi bosqichga chiqib bo'ldik. Barchasi alo darajada. Tarkibdagi barcha o'yinga tayyor, hech qanday jarohatlar yo'q. Bizda hech qanday bosim yo'q. Ertaga chiroyli bahs bo'ladi deb o'ylayman, o'ylayman emas aniq shunday bo'ladi", - deb gap boshladi Srechko Katanec.
Keyingi bosqichda kimga qarshi o'ynashimizning farqi yo'q. Ertaga maydonga faqat g'alaba uchun chiqamiz.
Karlush Keyrush 7 yoki 8 yildan buyon Eronni boshqarmoqda. Men Iroqqa kelganimga atigi 4 oy bo'ldi xolos. SHu bois bizni taqqoslash noto'g'ri. Eron safida top futbolchilar juda ko'p buni bilamiz, biroq biz ham osongina taslim bo'lmaymiz.
"Persepolis"ni uzoq yillar boshqargan Branko Ivankovich bilan aloqalarimiz ajoyib. Ammo ishontirib aytamanki undan Eron terma jamoasi haqida malumot olganim yo'q.
Futbolchilar ko'p vaqtini ijtimoiy tarmoqlarda o'tkazmoqda? Hozir shunday zamon. Texnikalar rivojlanib bormoqda, shu bois men futbolchilardan telefon yoki planshetini olib qo'ya olmayman", - deydi Katanec.
"Eron kuchli jamoa. Ularga qarshi chiroyli bahs bo'ladi. Yaratgan qo'llasa ertaga 3 ochkoga ega chiqamiz. Barcha yigitlar bunga tayyor", - deydi Humam Tariq.
Narzulla Saydullaev yozib oldi
Bosh sahifaga
186