Hozirda klub futbolchilari Vadim Abramov boshchiligida mashg'ulotlar olib boayotgani haqida avvalroq xabar berib o'tgan edik. Bugun klub bosh murabbyi bilan uyushtirilgan qisqacha intervyuni siga taqdim etamiz.
-“Bunyodkor” haqida...
-“Bunyodkor” o'z tarixi va ananalariga ega jamoa ekanligi barchaga malum. Klub har doim o'zbek futboli bayroqdorlaridan biri bo'lib kelgan. Biz qanday jamoaga kelganimizni juda yaxshi tushunib turibmiz. Bizning vazifamiz qilingan ishlardan yanada yaxshirog'ini amalga oshirish. Meni xursand qiladigani klubda yosh futbolchilarning ko'pligi va ularning o'rganishga ishtiyoqi kuchli ekanligi. Yoshlar bilan ishlash doim yoqimli. Oldimizga qo'yilgan vazifa aynan shu yosh futbolchilarning darajasini, mahoratini oshirish. Birinchi navbatda ularning har biri bilan tanishib olishimiz kerak. Menimcha 10 kun ichida ular bilan tanishib olish hamda futbolchilarning nimaga qodir ekanliklariga dastlabki bahoni berish uchun etarli bo'ladi. Va shundan so'ng biz qanday ishlarni amalga oshirishimiz kerakligi haqida tasavvur va yangi mavsumga aniq rejalarni tuzib olishmiz mumkin bo'ladi.
-Klubga yangi futbolchilar taklif etiladimi?
-Birinchi navbatda biz hozir tarkibmizdagi bor futbolchilar bilan tanishib olishimiz va ularning nimaga qodir ekanligini aniqlab olishimiz zarur. Aynan qaysi chiziq yoki poziciyani kuchaytirishmiz kerakligini bilib olganimizdan so'ng “Bunyodkor” uchun o'ynash istagida bo'lgan, biz mahoratini yaxshi bilagn va “Bunyodkor”ning darajasiga mos tushadigan futbolchilarni taklif etishimiz mumkin.
-Rahbariyat odingizga qanday vazifalarni qo'ydi?
-Hozir siz bilan oldimizga qo'yilgan vazifa haqida gaplashishga erta. Lekin hozircha bir narsani aniq aytaman: kamida o'tgan mavsumda qayd etilgan natijadan yaxshirog'ini qayd etish bizning maqsadimiz. Biz bu ishni amalga oshirish uchun qo'limizdan kelgan ishni qilamiz. SHuningdek, chempionatda shunchaki ishtirok etishni emas, munosib ishtirok etib, sovrinli o'rinlar uchun kurashishni maqsad qilamiz va shu ishni amalga oshirishga harakat qilamiz.
-Sizning bosh murabbiy etib tayinlanganingizni elon qilganimizdan so'ng muxlislar orasida “Abramov qiyin holatda qolgan “Bunyodkor”ni qabul qildi” degan gap-so'zlar yangradi.
-Tushundim nima demoqchi ekanligingizni. Muxlislar o'ylagandek klub yomon holatda emas. Xursand qiladigani klubda futbol o'ynash va futbol bilan shug'ullanish uchun barcha sharoitlar yaratilgan. “Bunyodkor”dagi shart-sharoitlarni solishtiradigan bo'lsak, menimcha klub respublikadagi eng oldi klublardan biri hisoblanadi va bizning ishlashimiz uchun hamma narsa bor. O'ylaymanki, biz klub bilan muvaffaqiyatga erishamiz.
Bosh sahifaga
296