SHu kunga qadar bir qator masuliyatli uchrashuvlarni boshqarishga muvaffaq bo'lishdi. Jumladan, bugun bo'lib o'tadigan nihoyatda muhim o'yinlardan biri Eron va Iroq terma jamoalari o'rtasidagi uchrashuvni hamyurtimiz Ravshan Haydarov boshqarib boradi.
Xo'sh, Osiyo Kubogi o'yinlariga hakamlarni qanday tanlab olishgan? Quyida shu haqida malumot berib o'tishga harakat qilamiz.
Avvalo, Osiyo Kubogi o'yinlarini boshqarishga nomzod hakamlar nazariy imtihonlardan o'tkazildi. Keyin esa ular yuqori malakali mutaxassislar nazoratida jismoniy sinovlar topshirishdi. SHundan so'ng maydonda futbolchilar ishtirokida o'yinda ro'y beradigan turli vaziyatlar (jarima maydonchasi ichidaga qoida buzilishlari, taktik follar, o'yindan tashqari holat va hokazo ) sodir etildi, hakamlar esa bu vaziyatlarda tezkor qaror chiqarishlari talab etildi. Bu jarayon videoga olinib, mashg'ulotdan keyin hakamlar namoyish etildi va xato-kamchiliklari tahlil qilindi. Bu jarayonlar davomida muntazam ravishda hakamlarning sog'lig'i nazorat qilib turildi. Ular maxsus vitaminlar qabul qilib borishdi. SHuningdek, Osiyo Kubogida qatnashadigan har bir jamoaning o'yin taktikasi, o'ziga xos fel-atvorga ega futbolchi va murabbiylari o'rganib chiqilib, ular haqida batafsil malumot taqdim etildi.
Endi esa hakamlarning uchrashuvlarga tayyorgarlik sxemasini etiboringizga havola qilamiz
* O'yinga 4 kun qolganda: Yuqori intensiv jismoniy mashg'ulot.
* O'yinga 3 kun qolganda: Futbolchilar ishtirokida maydonda ro'y beradigan bahsli vaziyatlar bo'yicha texnik mashg'ulot+o'rtacha intensiv jismoniy mashqlar. Ushbu mashq paytida jarima maydonchasi ichida ro'y beradigan epizodlar va o'yindan tashqari holatlar 4ta videokamera yordamida yozib olinib, keyin hakamning harakatlari tahlil qilinadi.
* O'yinga 2 kun qolganda: 15 daqiqalik 2ta taymdan iborat futbol uchrashuvi tashkil qilinib, hakamlar guruhi ushbu o'yinni boshqaradi + o'rtacha intensiv jismoniy mashqlar.
* O'yinga 1 kun qolganda. Uchrashuv bo'ladigan shaharga yo'l olish (Agar o'yin boshqa shaharda o'tkazilayotgan bo'lsa). O'yin bo'lib o'tadigan maydonda engil mashg'ulotlar.
Eslatib o'tamiz, Osiyo Kubogi-2019 musobaqasida O'zbekiston nomidan quyidagi hakam va instruktorlar ish olib borishyapti:
Ravshan Ermatov (Referi)
Valentin Kovalenko (Referi)
Ilgiz Tantashev (Referi)
Jahongir Saidov (Referi assistenti)
Abduhamidullo Rasulov (Referi assistenti)
Farhod Abdullaev (Instruktor)
SHuningdek, Osiyo Kubogi-2019 musobaqasida maxsus mehmonlar ham faoliyat yuritishyapti:
Perluijdi Kollina (FIFAning Hakamlar qo'mitasi raisi)
Massimo Buzakka (FIFA Hakamlari direktori)
Devid Ellerey (IFAB Texnik direktori)
Bosh sahifaga
172