Bosh murabbiy Xajime Moriyasuga futbolchi Toshixiro Aoyama hamrohlik qildi.
"Ertaga O'zbekiston bilan o'ynaymiz. Guruh g'olibini aniqlab beradigan bahs. Biz yutishni istaymiz. O'yinga yaxshi tayyorgarlik ko'rdik, keyingi bosqichga birinchi o'rin bilan chiqishni istaymiz", - deydi bosh murabbiy.
"Ertangi bahsga yaxshi tayyorlandik. Ham ruhan, ham jismonan. Hech qanday bosimni his qilmayapmiz. O'ylaymanki ertaga qiziq o'yin bo'ladi", - deydi Aoyama.
- Ikki jamoa ham keyingi bosqichga chiqib bo'lgan. Faqat bitta savol ochiq turibdi: guruhda birinchi o'rinni kim oladi? Bu sizga bosim o'tkazadimi yoki yo'q?
- Osiyo Kubogiga kelishdan oldin biz guruhda birinchi o'rinni olishni maqsad qilgandik. Ertaga futbolchilarga bosim bo'lishini xohlamayman. SHunchaki g'alaba qozonishlarini so'rayman. Biz xotirjammiz. Asosiy maqsadimiz esa musobaqada chempion bo'lish.
- Guruhda ikkinchi bo'lgan jamoa Avstraliya bilan o'ynaydi. Bu jamoani qanday baholaysiz?
- Avstraliyadan qochamizmi yoki yo'qmi bilmayman. Musobaqada barcha raqibni yutishni istaymiz. CHempion bo'lishni istaymizmi demak barchani yutish kerak. Pley-offda kuchsiz raqib qolmaydi.
- Osiyo Kubogida 3ta o'yinchini almashtirish mumkin. Guruhdagi dastlabki ikkala o'yinda ham siz o'zgarishlardan to'liq foydalanmadingiz. Buning sababi nimada?
- Bu mening qarorim. O'ylaymanki futbolchilar bu qarorimni hurmat qilishadi. Asosiysi biz ikkala uchrashuvda ham yutdik. Maydondagi futbolchilarning harakatlari meni qoniqtirgani uchun 3ta o'zgarishni qilmadim.
- Ikkita bahsdan so'ng tajribali futbolchilarga dam berasizmi?
- Men barcha o'yinlarni sinab ko'raman. Zaxirada qolib ketayotgan futbolchilar ham yaxshi holatda. Kim uchrashuvga tayyor bo'lsa o'sha maydonga tushadi. Bugun so'nggi ko'rsatma beriladi.
- Musobaqadan oldin jismoniy holat qanday edi va hozir qanday?
- Yaponiya terma jamoasi futbolchilarining jismoniy holati ikki xil holatda edi. Sababi yarim futbolchilar Jey ligada, qolganlar Evropada o'ynaydi. Bu erda mavsum ikki xil paytda tugaydi. Birga mashg'ulot o'tkaza boshlaganimizdan keyin barchaning holati tenglashdi. Ikkita o'yindan o'zimizga saboq oldik. SHunday davom etishni istaymiz.
- Yaponiya doim chempionlik uchun kurashadi. Bu yo'lda sizga asosiy raqobatchi jamoalar qaysilar?
- Bizning maqsadimiz chempionlik. Jamoa o'yinini rivojlantirish kerak. Bu musobaqada 7ta o'yin o'tkazishni istaymiz. Barcha raqibni birdek ko'ramiz, raqib ajratmaymiz.
- Birinchi turda 2ta gol urgan Yuya Osako o'zini qanday xis qilmoqda?
- U tibbiy ko'rikdan o'tdi. Hozir davolanmoqda.
- Yaponiya ertaga yutish uchun nima qiladi?
- Avvalgi ikki o'yindan kelib chiqib taktika tuzamiz. Asosiy tarkibda bazi futbolchilar almashadi. SHu orqali faqat g'alaba uchun o'ynaymiz.
Xayrulla Xoliqov va Narzulla Saydullaev
Al Ayn, BAA
Bosh sahifaga
271