SHohruh Gadoev "Nasaf" mashg'ulotlariga qo'shildi

Qozog'istonning "Qayrat" klubi ko'rigida bo'lib qaytgan SHohruh Gadoev "Nasaf"ga qaytgan ko'rinadi. "Nasaf" jamoasi ikki kunlik tatildan so'ng kechadan boshlab Qarshidagi qarorgohida to'plandi va mashg'ulotlarni olib bormoqda. Ushbu yig'inga SHohruh Gadoev ham qo'shilgan va jamoa bilan birgalikda shug'ullanmoqda.

"Nasaf" jamoasi 24 yanvarga qadar o'z qarorgohida mashg'ulotlarni o'tkazib turadi. So'ngra "ajdarlar" Toshkentga kelishadi va 25 yanvar kuni "Bunyodkor" akademiyasi maydonida Tojikistonning "Istiqlol" jamoasi bilan o'rtoqlik o'yini o'tkazishadi.

26 yanvar kuni esa Ro'ziqul Berdiev boshchiligidagi "Nasaf" jamoasi ilk xorij yig'inini o'tkazish uchun BAAga jo'nab ketadi.