Unga yarim himoyachi Javohir Sidiqov hamrohlik qildi.
"Ertaga Osiyoning eng kuchli jamoalaridan biriga qarshi o'ynaymiz. Lekin biz faqat ertangi bahs haqida o'ylayotganimiz yo'q. CHunki 1/8 finalga chiqib bo'ldik. Bazi futbolchilarga dam beramiz. O'yinchilar jarohat olmasliklari uchun ularni o'ylashimiz kerak. Maqsadimiz Yaponiyani mag'lub etib, guruhda birinchi o'rin bilan keyingi bosqchiga chiqish", - deydi Kuper.
"Osiyoning eng kuchli jamoasiga qarshi o'ynashimizni his qilib turibmiz. To'g'ri minmimum vazifa bajardik. Ertaga kuchli jamoa bilan bahsda o'zimizni sinab ko'rish uchun yaxshi imkoniyat bo'ladi", - deydi Sidiqov.
- Muddatdan avval guruhdan chiqish vazifasini bajardik. Ertaga tarkibda qanday o'zgarishlar bo'ladi? Yaponiyaga qarshi qanday syurpriz bor?
- Ertaga faqat g'alaba uchun maydonga tushamiz. Lekin dastlabki ikki uchrashuvda 180 daqiqa davomida o'ynagan futbolchilarga dam beramiz. Bundan tashqari sariq kartochkasi bor o'yinchilarni ham asraymiz. Afrika Kubogida jamoa yaxshi shhynagan paytda tarkibdagi futbolchilarga dam bermagandim. Keyin o'sha o'yinchilarda charchoq alomatlari sezilib qolgandi. O'sha tajribadan keyin hozir o'zgarishlar qilmoqchiman. Aynan kimlar zaxirada qolishini bugungi mashg'ulotdan keyin aniqlab olamiz.
- Oldin Afrika kubogida ishtirok etgansiz. Osiyo Kubogi haqida nima deya olasiz?
- Ertaga tarkibda o'zgarish bo'ladimi yoki bo'lmaydimi farqi yo'q - maqsadimiz Yaponiyani mag'lub etish. Tarkibdagi 23 nafar futbolchi maydonga tushishga tayyor. Raqib Avstraliya bo'ladimi yoki boshqami farqi yo'q, istalgan jamoa syurpriz taqdim etishi mumkin. Agar sen Osiyo Kubogini qo'lga kiritmoqchi bo'lsang, har qanday raqibni mag'lub etish kerak. Osiyo Kubogidagi jamoalar darajasi Afrika Kubogidan yuqoriroq turadi.
- Yaponiyani to'xtatish vaqti keldi deb hisoblaysizmi?
- Statistikani hurmat qilaman. Biroq bu tarix. Futbolda har qanday holat yuz berishi mumkin. O'yin paytida statistika yoki oldingi o'yinlar haqida o'ylamaymiz. Masalan, Ummon bilan o'yinlarda biz ko'proq yutqazgan ekanmiz, biroq Osiyo Kubogida ularni mag'lub etdik.
- Sizda ishonch boshqalarga qaraganda ko'proq bo'lishi kerak. CHunki o'tgan yil U-23 Osiyo chempionatida Yaponiyani 4:0 hisobida mag'lub etilganda tarkibda bor edingiz.
Javohir Sidiqov: - Bitta menda emas, barcha jamoadoshlarimda ishonch yuqori. Yaponiya bilan ko'p to'qnash kelganman. O'smirlar, yoshlar terma jamoalari safida Yaponiyaga qarshi ko'p o'yin o'tkazganman va hech qachon mag'lub bo'lmagan ekanman. Ertaga ham bu anana davom etishini istayman.
- Yaponiya haqida nima deysiz? Ularning kuchli va kuchsiz tomoni nimada?
- Bu haqida o'zim biladigan narsalarni hozirgi matbuot anjumanida aytib o'tirmayman. Raqib haqida faqat uchta jihatni keltirishim mumkin: tarixi buyuk, pressingi kuchli va tezkor jamoa. Ammo har qanday kuchli jamoani ham mag'lubiyatga uchratish mumkin. Biz shunga harakat qilamiz.
- Ertaga o'yindan keyin ikkita yo'l bor. Al Aynda qolib Avstraliyaga qarshi bahsga tayyorgarlik ko'rish yoki SHarjaga qaytish. Sizga qaysi biri maqul?
- Avvalo men faqat yutishni xohlayman. Eng muhimi uch ochko. BAAda hamma shahar chiroyli. Men shahar ajratmayman. Bizga qilinayotgan sharoitlar zo'r. Qaysi shaharda bo'lishning farqi yo'q.
Xayrulla Xoliqov va Narzulla Saydullaev
Al Ayn, BAA
Bosh sahifaga
141