Qo'qonlik futbolchilar poytaxtda ikki mahal mashg'ulot o'tkazishmoqda. Murabbiylar shtabi ham futbolchilarni mavsumga yuqori darajada tayyorlash uchun tinimsiz mehnat qilishmoqda. “Qo'qon-1912” jamoasi bosh murabbiyi No'mon Hasanov yig'in jarayoni va keyingi rejalar haqidagi fikrlari bilan o'rtoqlashdi.
- Toshkentdagi yig'inimiz reja asosida ketmoqda. Lekin hal qilinishi kerak bo'lgan muammolarimiz juda ko'p. Ularning qanday bartaraf etishni bilmayapmiz. Mavsum boshlanishiga ham tobora kam vaqt qolmoqda. Biz esa dam olib yuribmiz.
Yana bir gap. Matbuot xizmati tomonidan berilayotgan malumotlar ham bazan noto'g'ri bo'lyapti. Masalan, o'rinbosarlarimizda bosh murabbiy o'zgargan. Muhsin Nizomiddinov o'rniga Rahmatillo Inog'omovni bosh murabbiiy etib tayinlanganmiz. Sizlar esa Muhsin Nizomiddinov shogirdlari deb yozyapsizlar.
Undan tashqari, Farg'onada bo'lib o'tadigan “Viloyat Hokimi Kubogi”da ishtirok etishimiz aniq emas. Sizlar esa bizni qatnashadi deb yozyapsizlar. Menimcha, bunday malumotlarni bosh murabbiy bilan maslahatlashgan holda yozish kerak.
Niyatimiz Turkiyada yig'in o'tkazish edi. U erda yaxshigina yig'in o'tkazmoqchi edik. Qani, Turkiya? Bu masalani kim bilan hal qilishni bilmayapmiz? Tayyorgarlik rejasi bo'yicha ish yuritaylik! Tayyorgarlik rejasini taqdim etganimga bir oy bo'ldi. 2-yig'in Turkiyada bo'lib o'tadi, deb yozib qo'yganman.
Meni to'g'ri tushuninglar, bu futbol – futbolni esa aldab bo'lmaydi.
Bosh sahifaga
1984