Dennis Bergkamp
Tavallud topgan: 10.05.1969
Fuqaroligi: Niderlandiya
"Inter"da faoliyat yuritgan yillari (o'yin va gollar soni): 1993-1995, (53/11)
Bergkamp Londonning "Arsenal" klubida o'zini to'liq namoyon eta oldi va APL tarixisha ismini zarhal harflar bilan yozib qo'ydi. Ammo gollandiyalikning Italiyadagi ishlari o'ngidan kelmadi. To'g'ri, 1994 yil Dennis "neradzurri" tarkibida UEFA Kubogini qo'lga kiritdi va turnirning eng yaxshi bombardiri bo'ldi. Biroq A Seriya va "Inter"ning pragmatik o'yiniga moslasha olmadi.
Roberto Karlos
Tavallud topgan: 10.04.1973
Fuqaroligi: Braziliya
"Inter"da faoliyat yuritgan yillari (o'yin va gollar soni): 1995-1996, (30/5)
"Inter" Roberto Karlos faoliyatidagi dastlabki Evropa jamoasi edi. Braziliyalik 1996/97 yilgi mavsumda yaxshi o'ynadi. Ammo bu yillarda Milan klubiga barqarorlik etishmadi. Natijada Roberto Madridning "Real" klubiga o'tib ketdi. Braziliyalik u erda eng yaxshi himoyachilaridan biri bo'la oldi.
Andrea Pirlo
Tavallud topgan: 19.05.1979
Fuqaroligi: Italiya
"Inter"da faoliyat yuritgan yillari (o'yin va gollar soni): 1998-2001, (22/0)
Andrea 19 yoshligida "Inter"ga kelgan. To'g'ri, bu yoshda top-klubda o'ynash biroz qiyin. Bundan tashqari, o'sha vaqtlar jamoada unga raqobatchilardan Rekoba, Badjo va Jorkaeff bor edi.
Klaren Zeedorf
Tavallud topgan: 01.04.1976
Fuqaroligi: Niderlandiya
"Inter"da faoliyat yuritgan yillari (o'yin va gollar soni): 2000-2002, (64/8)
Klarens ikki mavsum mobaynida "Inter"da yomon o'ynamadi. Biroq taqdir taqozosi bilan u "Milan"ning afsonaviy futbolchilaridan biriga aylandi.
Fabio Kannavaro
Tavallud topgan: 13.09.1973
Fuqaroligi: Italiya
"Inter"da faoliyat yuritgan yillari (o'yin va gollar soni): 2002-2004, (50/2)
Fabio "Inter"ga 2002 yil yozda kelgan va ikki yil davomida "neradzurri" tarkibida sifali o'yin ko'rsata olgan. Lekin birorta ham sovrinni qo'lga kirita olmagan. "Yuventus"ga o'tganidan so'ng, 2005 va 2006 yillarda Italiyaning eng yaxshi himoyachisi mukofotiga sazovor bo'ldi.
Edgar Davids
Tavallud topgan: 13.03.1973
Fuqaroligi: Niderlandiya
"Inter"da faoliyat yuritgan yillari (o'yin va gollar soni): 2004-2005, (16/0)
Davids "Inter"dagi faoliyatini yomon boshlamadi. Biroq tez orada zaxira o'rindig'idan joy oldi. Keyinchalik esa maydonga ham kam tushdi. Gollandiya termasi bosh murabbiyi bunga norozilik bildirgan bo'lsa-da, vaziyat o'zgarmadi. Natijada Edgar Angliya tomon yo'l oldi.
Leonardo Bonuchchi
Tavallud topgan: 01.05.1987
Fuqaroligi: Italiya
"Inter"da faoliyat yuritgan yillari (o'yin va gollar soni): 2005-2007, (1/0)
Bonuchchini ro'yxatimizda ko'rib hayron bo'layotgandirsiz?! Sababi, u "qora-ko'klar" tarkibida maydonga deyarli tushmadi. A Seriyaning faqat bitta o'yinida 90-daqiqada Solarining o'rniga maydonga tushgandi.
Fabio Grosso
Tavallud topgan: 28.11.1977
Fuqaroligi: Italiya
"Inter"da faoliyat yuritgan yillari (o'yin va gollar soni): 2006-2007, (23/2)
Grosso "Inter"ga Jahon CHempioni maqomida kelgan. 2006 yilgi mundialda u turnirning eng yaxshi o'yinchilaridan biri bo'lgan. SHu sabab, Milanda undan ko'prog'ini kutishgan. Biroq Fabio asosiy tarkibda deyarli o'ynamagan. SHuning uchun, u bir yildan keyin Franciyaning "Lion" jamoasiga o'tib ketgan.
Filippe Koutino
Tavallud topgan: 12.06.1992
Fuqaroligi: Braziliya
"Inter"da faoliyat yuritgan yillari (o'yin va gollar soni): 2008-2013, (28/3)
Koutino faoliyatida ham "Inter" birinchi Evropa klubi bo'ldi. Biroq braziliyalikning "qora-ko'klar" tarkibida omadi yurishmadi. U 2013 yil qishda "Liverpul"ga, 2018 yil qishda esa "Barselona"ga o'tdi va hozirda u erda muvaffaqiyatli tarzda ishtirok etmoqda.
Nemanya Vidich
Tavallud topgan: 21.10.1981
Fuqaroligi: Serbiya
"Inter"da faoliyat yuritgan yillari (o'yin va gollar soni): 2014-2016, (21/1)
Vidich "Inter"ga o'tganida jahon futbolining afsonaviy o'yinchilari va o'z davrining eng yaxshi himoyachilaridan biri bo'lgan. Biroq 32 yoshli futbolchi o'sha paytlarda bir qator jiddiy jarohatlar olgan. Nazarimizda, Vidich Milan klubida bor imkoniyatini namoyon qilishi uchun unga yangi chempionat va jamoadagi beqarorlik halal bergan.
Bundan tashqari, "Inter" tarkibida o'zini to'liq namoyon eta olmagan bir qancha futbolchilar bor. Siz bu ro'yxatga yana kimlarni qo'shgan bo'lar edingiz?!
Nozima Zaripova tarjimasi
Bosh sahifaga
2010
24 May 2024, 10:18