Bir necha yillardan beri Toshkentning "Paxtakor" jamoasida to'p surib kelgan iqtidorli futbolchi Doston Ibragimov "Surxon" jamoasi safiga kelib qo'shildi.
SHuningdek, o'tgan mavsumni Namanganning “Navbahor” jamoasida o'tkazgan tajribali chap qanot himoyachisi Ilhom Boydedaev ham “Surxon” jamoasining umumiy mashg'ulotlariga qo'shildi. Ilxom kichik jarohati sababli ikki kun davomida individual tarzda mashg'ulotlarni olib borgan edi. Kechadan ushbu futbolchi ham umumiy mashg'ulotlarga qo'shildi.
Klub matbuot xizmatining malumot berishicha, o'tgan mavsumda "Navbahor" jamoasida o'zining ajoyib o'yinlari bilan muhlislar qalbidan joy olgan serbiyalik tajribali himoyachi Darko Stanoevich hamda AGMK jamoasida to'p surgan himoyachi Vladimir Bubanya tez kunlarda “Surxon” mashg'ulotlariga kelib qo'shilishi kutilmoqda. Hozirda ushbu futbolchi bilan muzokaralar olib borilmoqda.
Bosh sahifaga
225
