"Musobaqadagi dastlabki bahsda bizda ozgina hayajon sezildi. Lekin Turkmanistonga qarshi o'yindan keyin o'zimizga bo'lgan ishonch ancha ortdi. Uchinchi bahsda garchi Yaponiyadan mag'lubiyatga uchragan bo'lsakda, biz yaxshi o'ynadik. Mazkur mag'lubiyat o'zimizga bo'lgan ishonchni yo'qotmaydi. Avstraliyaga bilan o'yin oldidan o'z kuchimizga bo'lgan ishonch yuqori. Hech qanday qo'rquv yo'q
Avstraliya terma jamoasiga qarshi qanday o'ynashimiz sirini ochishni istamayman. CHunki Avstraliyalik jurnalistlar ham poylab o'tirishibdi. Biz ularning zaif nuqtasini bilamiz va nimaning evaziga mag'lub etish haqida ham etarlicha tasavvurimiz bor. Buni ertaga maydonda amalda ko'rsatishga harakat qilamiz. Hozir esa kartalarni ochib tashlamoqchi emasman. O'yindan oldin murabbiylar shtabi bizga aniq ko'rsatmalarni berishadi. SHu reja bo'yicha maydonga tushamiz.
Avstraliyadan uchralgan o'sha mashhur mag'lubiyat? U paytlar yosh bola bo'lganmiz va uchrashuvni televizor orqali tomosha qilganman. O'tgan o'yin bilan hozirgi davrni solishtirmagan bo'lardim. Lekin ichimda o'sha mag'lubiyat alami qolgan. Ertaga o'sha mag'lubiyat alamini olish uchun ham yanada kuchliroq ishtiyoq bilan o'ynaymiz", - deya gapirib o'tdi Jaloliddin Masharipov.
SHu payt suhbatga Ektor Kuper qo'shildi va shunday dedi:
"Men 8 marotaba finalga chiqqanman va yutqazganman. Lekin bu mag'lubiyatlar meni yana finalga chiqish istagimni yo'qotgani yo'q. Men yana finalga chiqishni xohlayveraman".
Ektor Kuper ishtirokidagi matbuot anjumani
Bosh sahifaga
271