Xo'sh, samolyotda yo'qolgan hujumchi Emiliano Sala aslida kim edi? Tvitterlarni titkilab, ko'plab malumotlarni topdik va ularni bir xabarga joyladik.
Avval boshidan boshlaymiz. Bundan ikki kun oldin argentinalik futbolchi Kardiffga bordi va u erda fotosessiyalar uyushtirdi. SHuningdek, Salaning rekord 20 million evro evaziga "Kardiff"ga o'tgani malum qilindi.
U ertasi kuni sobiq jamoadoshlari bilan hayrlashish uchun Nantga qaytdi. U xayrlashgani borasida instagramga post ham qo'ydi.
Kiyimlarini, umuman olganda, o'ziga kerakli barcha buyumlarni olib, u ushbu samolyotga o'tirdi.
Policiya bayonotiga ko'ra, "Kardiff" klubiga tegishli bo'lgan bu samolyot bu yil texnik ko'rikdan o'tmagan ekan. U Franciyaga ham aynan ushbu samolyotda uchib borgan.
Dispetcherlar ushbu ish uchun policiyaga ko'rsatma berishdi. Ularning aytishicha, samolyot uchuvchisi barqaror aloqada bo'lib turgan va birdaniga uzilish ro'y bergan. Samolyot taxminan shu joyda radardan g'oyib bo'lgan.
Bu holat bugun tunda, bizning vaqt bilan tungi 12:30lar atrofida sodir bo'lgan. Ayni damda Franciya va Italiya policiyasi yo'qolgan samolyotni qidirishmoqda. Hozircha ular ham bu borada rasmiy bayonot berishdan qochishmoqda.
Bosh sahifaga
225
