Aslida reja bo'yicha navoiyliklar kecha AGMKga qarshi maydonga chiqishlari lozim edi. Ammo malum sabablarga ko'ra bu bellashuv o'tkazilmadi. SHu bois bugun jamoamiz azolari Abramov boshchiligidagi “Bunyodkor”ga qarshi saf tortishdi.
“CHig'atoy” sport bazasi suniy qoplamali maydonda kechgan bellashuvning birinchi bo'limida toshkentliklar hisobda oldinga chiqib olishdi. Ammo ikkinchi bo'limni katta ustunlik bilan boshlagan navoiylik futbolchilari ikkinchi qirq besh daqiqalikda tezlik bilan hisobni o'zlarining foydalariga o'zgaritra olishdi.
Dastlab o'ng qanotdan SHerali Jo'raevning uzatib bergan to'pini Alisher Sanoev chamasi 16 metrlar masofadan to'xtatmasdan darvozaga aniq yo'lladi-1:1. Oradan hech qancha o'tmay yana o'sha qanotdan boshlangan hujumni Sanoev muvaffaqiyatli yakunladi. O'yin oxirlarida zaxiradan maydonga tushgan Bekzod G'anijonov “Bunyodkor” himoyachilari va darvozabonini ustalik bilan dog'da qoldirishning uddasidan chiqdi-3:1.
“Qizilqum” yig'ni doirasidagi uchinchi nazorat uchrashuvini 24 yanvar kuni JAR stadionida “Paxtakor”ga qarshi o'tkazadi.
Bosh sahifaga
292