Bunga qadar jamoa o'z tarkibiga himoyachi Akrom Komilov, yarim himoyachi Sardor Sobirxo'jaevni qo'shib olgandi. SHuningdek, klub "Nasaf" bilan shartnomasi tugagan kiper Sanjar Quvvatov bilan ham og'zaki kelishuvga erishgani haqida xabar bergandik.
OCHLga taraddud ko'rayotgan "Paxtakor" klubi O'zbekiston terma jamoasining bir yo'la ikki nafar azosi sanalgan futbolchilarni o'z safiga qo'shib olishga erishdi.
Dastlabki xarid to'g'ridan-to'g'ri raqibi va raqobatdoshi sanalgan "Lokomotiv" to'purari Marat Bikmaev bo'ldi. "Temiryo'lchilar" bilan shartnomasi tugagan hujumchiga "sherlar" qiziqarli taklif bilan chiqishdi va hujumchini ko'ndira olishdi. Bikmaev oldida Malayziyadan katta maoshli taklif bo'lishiga qaramasdan "Paxtakor" sobiq futbolchisi ortga qaytarishga erishdi.
Ikkinchi transfer birinchisidanda shov-shuvliroq bo'ldi. O'zbekiston terma jamoasi vingeri va "Anji" futbolchisi sanalgan Doston Hamdamov ham "Paxtakor" bilan kelishuvga erishdi. Yangi mavsumdan etiboran Osiyo Kubogida porlagan futbolchi faoliyatini "Paxtakor"da davom ettiradi.
SHuningdek, klub shartnomasi yakuniga etgan ikki nafar azosi Jaloliddin Masharipov va Egor Krimec bilan ham yangi bitim imzoladi.
Bosh sahifaga
1953