Jamoamizning bu galgi raqibidi Baxtiyor Ashurmatov boshchiligidagi “Buxoro” jamoasi bo'ldi.
“CHig'atoy” sport bazasi suniy qoplamali maydonda o'tkazilgan bellashuvda futbolchilarimiz yig'in davomidagi uchinchi g'alabani tantana qilishdi. Uchrashuvning ikkinchi bo'limida Bekzod G'anijonov raqib himoyachilari va darvozabonini ajoyib tarzda dog'da qoldirishning uddasidan chiqdi. Keyinchalik aynan G'anijonovga nisbatan ishlatilgan qo'pollikdan keyin belgilangan penaltini Qadamboy Nurmatov bexato amalga oshirdi. O'yin oxirlarida buxoroliklar bir to'p bilan javob qaytarishdi, xolos.
Ushbu bellashuvni jamoamiz quyidagi tarkibda o'tkazdi: Evgeniy CHeremisin, Erkin Boydullaev (s), Suhrob Yarashev, Alisher Sanoev, Fayzulla Qambarov, Muhsin Ubaydullaev, SHerali Jo'raev, Eluja Grigalashvili, Mirjalol Qosimov, Azizbek Usmonov, Murodbek Bobojonov.
Zaxiradan maydonga tushganlar: Begzod G'anijonov, Akmal Rustamov, Humoyun Abdualimov, Qadamboy Nurmetov, Timur Usmonov, Viktor Grigorev.
“Qizilqum” futbolchilari ushbu o'yin bilan Toshkentdagi ilk yig'inga yakun yasashdi. Yig'in davomida navoiyliklar uchta nazorat uchrashuvini o'tkazishib, ularning barchasida (“Qizilqum” – “Qo'qon-1912” 3:2, “Qizilqum” – “Bunyodkor” 3:1, “Qizilqum” – “Buxoro” 2:1) g'oliblikka erishishdi. Qisqa tanaffusdan keyin jamoaning yig'ini Navoiy shahrida davom ettiriladi. Fevral oyida Turkiyada o'quv-mashg'ulot yig'inini o'tkazish rejalashtirilgan.
Bosh sahifaga
219
