26 yanvar 2019 yil. 00:55. London. "Emireyts"
Angliya Kubogi. 1/16 final
"Arsenal" – "Manchester Yunayted"
Diskvalificiyadagilar: -
Jarohatlanganlar: Rob Xolding, Denni Uelbek, Ektor Belerin, Genrix Mxitaryan - Markos Roxo, Kris Smolling, Maruan Fellaini
Angliya liga kubogidagi estafetani klublar o'rtasidagi "otaxon" turnir qabul qilib oladi. To'rtinchi raundning ilk o'yinidayoq qiziqarli va ashaddik raqiblar to'qnash keladi.
So'nggi yillarda "Arsenal" va "Manchester Yunayted" Angliya futbolida ikkinchi planga tushib qoldi. Ular endilikda ECHL yo'llanmasi uchun kurash olib borishmoqda. Biroq bundan bir necha yillar oldin ular APL chempionligi uchun asosiy davogar sanalishardi.
"Tumanli albion"dagi mana shunday jangning oldidan "Manchester Yunayted" uchun yoddan chiqmaydigan 1998/99 yilgi mavsum Angliya Kubogi yarim finalini esga olamiz. O'shanda jamoalar Bekxem va Bergkampning ajoyib harakatlari bilan gollar almashishgandi. 74-daqiqada Roy Kin chetlatilganidan keyin "qizil iblislar" bir kishi kam bo'lib qolishdi. Final hushtagi chalinishidan oldin "kanonirlar" Rey Parlor bilan o'yinni kuchaytirishdi va penalti ishlashdi. Ammo Petr SHmeyxel raqibi Dennis Bergkampning zarbasini qaytarib qahramon bo'lgandi. Qo'shimcha bo'limlarda Rayan Giggz o'z goli bilan jamoaga g'alaba keltirgandi.
O'sha uchrashuv qatnashchilaridan biri Ole-Gunnar Sulsher bo'lgandi. Norvegiyalik mutaxassis MYUda bosh murabbiy sifatida dastlabki 7 o'yinning barchasida g'alabaga erishgan ilk murabbiy bo'lib turibdi.
"Arsenal" hali ham barqaror jamoaga aylana olmayapti. Ayniqsa, mavsumning ushbu qismida jamoa o'z kuchini tejashni bilmayotgani uchun juda yomon o'yinlar ko'payib ketmoqda. Biroq londonliklar bugungi o'yinga ajoyib kayfiyatda tashrif buyurishadi. Ular bundan oldin "CHelsi" ustidan g'alabaga erishishdi, 2:0.
TAXMINIY TARKIBLAR
"CHelsi"ga qarshi o'yinda Ektor Belerin jarohat oldi. Bu jiddiy bo'lib chiqdi va u uchun mavsum yakunlandi. SHifokorlarning aytishiga ko'ra, futbolchi kamida 9 oyni maydondan tashqarida o'tkazib yuboradi.
Demak, Unai Emeri o'ng qanot himoyasi uchun SHtefan Lixtshtayner yoki yosh Eynsli Meytlend-Naylsdan foydalanadi. Balki u bugun tajribaga ishonishi ham mumkin.
Darvozalarda esa katta ehtimol bilan CHex va Romeroni ko'ramiz. CHunki ular mavsum davomida ko'p ham o'yin amaliyotiga ega bo'lmayapti.
O'ZARO O'YINLAR
O'zaro o'yinlarda ustunlik "qizil iblislar" tomonida. Raqiblar shu kunga qadar barcha turnirlarda 228 marta o'zaro kuch sinashishgan. SHularning 81tasida "Arsenal", 96tasida "Manchester Yunayted" ustun kelgan. 51 o'yinda durang qayd etilgan. Gollar urish borasida ustunlik mankunianliklar tomonida - 322 - 349.
Angliya Kubogida esa jamoalar 15 marta o'zaro kuch sinashishgan. 6 marta "kanonirlar", 7 bora "qizil iblislar" bunda zafar quchishgan. 2 o'yinda g'olib aniqlanmagan. Gollar urish borasida ham tenglik: 19 - 19.
"Arsenal" 13, "Manchester Yunayted" 12 marta ushbu kubokni qo'lga kiritgan.
Jamoalarning so'nggi o'zaro 10 o'yini:
05.12.2018 | Manchester Yunayted - Arsenal | 2:2 (1:1) |
29.04.2018 | Manchester Yunayted - Arsenal | 2:1 (1:0) |
02.12.2017 | Arsenal - Manchester Yunayted | 1:3 (0:2) |
07.05.2017 | Arsenal - Manchester Yunayted | 2:0 (0:0) |
19.11.2016 | Manchester Yunayted - Arsenal | 1:1 (0:0) |
28.02.2016 | Manchester Yunayted - Arsenal | 3:2 (2:1) |
04.10.2015 | Arsenal - Manchester Yunayted | 3:0 (3:0) |
17.05.2015 | Manchester Yunayted - Arsenal | 1:1 (1:0) |
09.03.2015 | Manchester Yunayted - Arsenal | 1:2 (1:1) |
22.11.2014 | Arsenal - Manchester Yunayted | 1:2 (0:0) |
Bosh sahifaga
67
