Farhod Tojiev: "Igor SHkvirin tufayli "Olmaliq"ni tanladim"

"Malayziyadagi faoliyatim tugagach menga yurtimizdan bir qator takliflar tushdi. Dastlab "Paxtakor" jamoasi menga qiziqish bildirdi. Sobiq jamoamga o'tishim mumkin edi. Ammo "Olmaliq"qa o'tishga qaror qildim. Bu jamoani tanlashimga Igor SHkvirin sabab bo'ldi. Ushbu murabbiy bilan ishlashni anchadan buyon xohlardim. "Olmaliq"da meni juda yaxshi qabul qilishdi. Jamoadagi ichki muhit ajoyib, barcha bir oiladek. "Olmaliq" 2016 yilgi mavsumda mavsumni kuchli to'rtlikda yakunlay oladi, bunga hech qanday to'siq ko'rayotganim yo'q. Biz muxlislarimizni quvontirish uchun harakat qilamiz", - deydi Farhod Tojiev.