- "Qiziq o'yin guvohiga aylandik. Juda qattiq kurash kechdi. Bizni naqadar mushkul va og'ir bahs kutib turganini sezgandik. Kuchli raqibga qarshi barcha jihatlarni inobatga olgan holda, ruhan va jismoniy taraflama jiddiy tayyorgarlik ko'rgandik.
Eng muhimi - natija. Bugun biz g'alabaga erishdik va Avstraliyadan qasos oldik. CHunki bu raqibga qarshi oxirgi to'qnashuvda mag'lub bo'lgandik. O'sha mag'lubiyat uchun revansh olishni uddaladik. Taktik taraflama ustunlik qilib g'alabaga erishdik. Tarixda faqat natija qoladi. SHu boisdan ham g'alabani qaysi yo'l bilan qo'lga kiritganimiz muhim omil hisoblanmaydi.
Qatarga qarshi o'yin? Keling, darhol bo'lajak uchrashuvga o'tib ketmaylik. Hozircha mazkur g'alabadan rohatlanmoqchimiz. Qatarga qarshi o'yinga siyosiy taraflama yondoshish noto'g'ri. Sport va siyosatni aralashtirmagan maqul.
Futbolga faqat o'yin sifatida qarash kerak. Undan ortig'iga o'tib ketish yaramaydi.
BAA musobaqaga har jihatdan puxta tayyorlanganini o'yindan-o'yinga namoyish etyapmiz. Jamoa uchrashuvdan-uchrashuvgacha qo'shib, kuchayib borayotganini sezish qiyin emas. Har bir bahs bizga katta tajriba bermoqda. O'yinimiz esa tobora o'sib bormoqda.
Yarim finalda muxlislar bizdan faqat va faqat g'alabani kutishadi. Finalga chiqish bizning orzuimiz. Buni uddalash uchun qo'limizdan kelganini qilamiz", - deya o'z fikrlarini bildirib o'tdi Ismoil Matar.
Bosh sahifaga
1911