Doston Abdurahmonov: "Olmaliq"da raqobat kuchli"

- Tayyorgarliklar avjida. Kuniga ikki mahaldan mashg'ulotlarda ishlamoqdamiz. Xudo xohlasa martgacha yaxshi formaga kirib olamiz. Asosiy tarkib uchun raqobat kuchli. Mashg'ulotlarda yaxshi ishtirok etib, o'zimni ko'rsatishga intilmoqdaman. Aks holda asosiy tarkibdan o'rin olishning iloji yo'q. Hozircha "Olmaliq" bilan shartnomaga imzo chekilgani yo'q. Rasman aytadigan bo'lsak, ayni paytda erkin agentman. "Olmaliq" har yili o'z oldiga yuqori maqsad va vazifalarni qo'yadi. Bu yilgi mavsumda ham kuchli beshtalikka kirish o'z oldimizga maqsad qilganmiz. O'ylaymanki, buni uddalasa bo'ladi. SHunga harakat qilamiz.