Bahsning 57-daqiqasida yaponiyaliklar hisobni ochishdi. Takumi Minamino oldinga o'tib yiqitildi, eronlik himoyachilar hakamga etiroz bildirishni boshlashganda Minamino o'rnidan turib to'pga etib oldi va jarima maydoniga oshirdi. Yuya Osako boshi bilan Eron darvozasini ishg'ol qildi - 0:1. Forslar 2019 yilgi Osiyo Kubogida birinchi marta gol o'tkazishdi. VIDEONI KO'RISH
67-daqiqada Yaponiyaning hujumi vaqtida to'p eronlik himoyachining qo'liga tegdi. Bosh hakam penalti belgiladi. So'ngra VAR'dagi sheriklari unga nimalardir dedi. Oxiri o'zi VAR'ni borib ko'rdi va baribir penalti belgiladi. 11 metrli jarima to'pidan Yuya Osako unumli foydalandi - 0:2. VIDEONI KO'RISH
90-daqiqada Genki Xaraguchi Eron darvozasini uchinchi bor ishg'ol qildi va hisobni yirik ko'rinishga keltirib qo'ydi - 0:3.
SHu tariqa Yaponiya yirik hisobda g'alaba qozonib Osiyo Kubogi finaliga chiqdi. Eron esa bronza medaliga ega chiqib uyiga ketadi. Uchinchi o'rin uchun bahs bo'lmaydi. Ertaga ikkinchi yarim finalda Qatar va BAA jamoalari to'qnash kelishadi.
 Iran | Asian Cup Semi Finals . 1/2-tur 28/01/2019, 19:00 3 : 0 Tugadi |  Japan Yuya Osako - 57', Yuya Osako - 67', Genki Haraguchi - 90' |
Stadion: Hazza Bin Zayed Stadium
Bosh hakam: Chris Beath
Bosh sahifaga
2106