Raqib Armaniston chempionatining peshqadami – Erevanning “Alashkert” jamoasi bo'ladi.
“Alashkert” futbol klubi 1990 yilda tashkil etilgan, Armaniston milliy chempionatining ilk mavsumida qatnashgan. 2000 yilga kelib jamoa tarqatib yuborilgandi. 2011 yilda klub mutasaddilari jamoani qaytadan tashkil etishga muvaffaq bo'lishdi. Jamoa 2015 yildan buyon ketma ket uch marta mamlakat chempioni degan sharafli nomga sazovor bo'ldi. 2016, 2018 yillarda mamlakat Superkubogini qo'lga kiritdi. Ayni paytdaArmaniston chempionatida “Alashkert” 17 uchrashuvning 10 tasida g'alaba qozonib, 3 tasida durang o'ynagan, 4 ta uchrashuvda imkoniyatni boy bergan va 33 ochko jamg'argan holda birinchi o'rinda borayapti. Gollar nisbati – 20:10. “Alashkert” ikkinchi o'rinda borayotgan “Bananc”ni 4, “Pyunik”ni esa 6 ochkoga ortda qoldirmoqda. Armaniston chempionatining bahorgi qismi 3 mart sanasidan davom etiriladi.
Bekobodliklarning Turkiya safaridagi boshqa raqiblarining ham nomi malum bo'ldi. Andrey SHipilov jamoasi 2 fevral sanasida Bolgariyaning CSKA 1948 FK bilan kuch sinashsa, 5 fevral kuni Qozog'istonning “Akjayik” jamoasiga qarshi maydonga tushadi. Bekobodliklarning Turkiya safaridagi oxirgi uchrashuvi 8 fevral sanasiga rejalashtirilgan bo'lib, raqib Rossiyaning “Leningradec” jamoasidir.
Bosh sahifaga
269