"Men aynan shunday uchrashuvni kutgandim. Bu hali endi boshlanishi. Ikkala gol har xil, ammo ajoyib tarzda kiritildi. O'yindan avval men Borini va Laksalt bilan gaplashgandim. O'shanda men to'pni ko'proq jarima maydoni ichiga oshirishni so'ragandim. CHunki bunday uslubda o'ynash men uchun qulayroq. Ikkinchi golda Kulibali bilan to'qnashuvda biroz qiynaldim, lekin yakunda vaziyatni o'zim tomonga og'dirishga erishdim. Men urgan gollarimni emas, balki kelgusi bahs haqida bosh qotiryapman. "Roma"ga qarshi o'yin jiddiy bo'ladi. Umid qilamanki, bu galgi bellashuv bundanda yaxshiroq natija bilan tugaydi. Menga "San Siro"da o'ynash juda yoqdi. Bunday muhitda o'zimni juda erkin his qildim", - dedi Kshishtof Pentek.
Eslatib o'tamiz, Pentek yozda Polshadan Italiya A Seriyasiga ko'chib o'tgandi. "Jenoa"dagi yarim mavsumda ko'rsatgan o'yinlari va samaradorligi evaziga qishda "Milan" etiborini tortdi va "rossonerilar" azosiga aylandi.
Pentek kecha Italiya Kubogi doirasidagi "Napoli"ga qarshi bahsda polshalik hujumchi dubl qayd etdi.
Kshishtof Pentek haqida maqola
Bosh sahifaga
99