“Navbahor”: Qrimdagi so'nggi bahsda ham g'alaba

2019-01-31 18:50:02 / Kiritdi: BestMaster O'qilgan: 566

O'z o'quv-mashg'ulot yig'inini Qrimda o'tkazayotgan Namanganning “Navbahor” klubi mazkur yig'in doirasidagi so'nggi nazorat bahsini bugun Evpatoriyaning “Evpatoriya” jamoasiga qarshi o'tkazdi.

Unda "lochinlar" 1:0 hisobida g'alaba qozonishdi. Golga uchrashuvning 80-daqiqasida zaxiradan maydonga tushirilgan Bahodir Nasimov mualliflik qildi.

Ushbu o'yinda “lochinlar” tarkibida quyidagi futbolchilar maydonda harakat qilishdi: O'tkir Yusupov, Obid Jo'raboev, Igor Golban, Jahongir Mehmonov, Mirzohid G'ofurov, SHahzod SHaymanov, Ivan Solovyov, Abdujamol Isroilov, Azizbek Turg'unboev, Zafar To'raev, Aleksandr Kasyan.
Zaxiradan maydonga tushganlar: Mirzohid Mamatxonov, Slavko Lukich, G'iyos Komilov, Hojiakbar Yunusov, SHohruhmirzo Ahmadaliev, Bahodir Nasimov, Ulug'bek Aknazarov.

SHu tariqa Andrey Kanchelskis shogirdlari Qrimdagi barcha o'rtoqlik uchrashuvlarida zafar quchishdi.

Eslatib o'tamiz, bungacha namanganliklar Qrimda “Tavriya” (Simferopol, 3:2) va “Sevastopol” (Sevastopol) klublarini mag'lubiyatga uchratishgandi.

“Lochinlar”ning Qrimdagi o'quv-mashg'ulot yig'ini bugun o'z yakuniga etdi. Namanganliklar ertaga yurtimizga qaytishadi. SHundan so'ng, jamoa azolariga qisqa muddatli tatil beriladi. Keyingi o'quv-mashg'ulot yig'inini esa Turkiyaning Antaliya shahrida o'tkaziladi. Turkiya yig'ini 6-17 fevral kunlari o'tkazish rejalashtirilmoqda.

Teglar: “navbahor”, qrimdagi, songgi, bahsda, galaba,
← Oldinga Orqaga →