Robert Gay “Yozyovon-Lochinlari” jamoasida ish boshladi

Bungacha jamoaga ustozlik qilib kelgan yosh murabbiy Islomjon Ismoilov istefoga chiqdi. Klub rahbariyati esa uning o'rniga Robert Gayni olib kelishga qaror qilgan. Ushbu mutaxassis ilgari ham birinchi liga klublarini boshqargan va u uchun birinchi ligada ishlash yangilik emas. Muxlislar yaxshi eslashsa kerak, Gay 2013 yili “CHust-Paxtakor”ni kurashchan jamoa sifatida shakllantirgandi. Endilikda ushbu murabbiydan yozyovonliklarning ham umidi katta. Aytishlaricha bosh murabbiy jamoada ishni boshlab yuborgan. Unga sobiq futbolchi Lutfullo Haydarov yaqindan yordam bermoqda.