Nakajima "Al Duhayl" bilan shartnoma imzoladi. Futbolchini qo'shib olishdan maqsad Osiyo chempionlar ligasida munosib ishtirok etish. Nakajima o'zining blogida shunday yozdi: "Men "Portimonense"ni tark etyapman va bundan keyin "Al Duhayl" uchun o'ynayman. O'ylaymanki, Qatarda hammasi men uchun yaxshi kechadi. "Al Duhayl"ning g'alabalariga munosib hissa qo'shmoqchiman".
SHoya Nakajima bir paytning o'zida ham chap qanot, ham hujumchi ortida o'ynay oladi. U 2017 yil ijara asosida "FK Tokio"dan Portugaliya klubiga ko'chib o'tgandi. O'zining ilk mavsumida 29ta o'yinda ishtirok etib, 10ta gol urgan va 12 bor golli uzatmani amalga oshirdi. O'tgan mavsum esa atigi 13ta uchrashuvda ishtirok etib, 5ta gol urdi. Bunga sabab futbolchi jarohat olib ko'p vaqtini maydon tashqarisida o'tkazdi.
Nakajima Yaponiya terma jamoasi safida 6ta o'yinda maydonga tushib 2ta gol urgan. Qatar chempionati tugashiga 7 tur qolganida "Al Duhayl" ikkinchi o'rinni egallab turibdi. Birinchi o'rinda esa "Al Sadd" bormoqda.
Bosh sahifaga
1399