Ernesto Valverde: "Messi o'zini biroz noqulay his qilayotgan edi, tavakkal qilishni xohlamadik"

– Messining holati qanday?
– Hammasi joyida, lekin bugun tavaqqal qilmaslikka qaror qildik. Unda biroz noqulaylik bo'lganligi uchun Messini ikkinchi bo'limda maydonga tushirdim. Jamoa va o'yinchilarga yaxshi bo'lishi uchun har doim bu kabi qarorlar qilib turish kerak. Leo maydonga tushganida vaziyatni bir o'zi hal qila oladi. Har safar to'pni qabul qilib olgan pallada, raqib darvozasi oldida nimadir qila olishini his qilamiz.

– Bugungi natijani qanday baholaysiz?
– Albatta, raqib birinchi daqiqalardan gol ursa, siz hisobni tenglashtirsangiz, bu yaxshi. O'yin avvalida ular to'pga uzoq vaqt egalik qilishdi. Keyin biz xavfli vaziyatlar yarata boshladik. Hammasi bizning qo'limizga o'tganida durang natijaga erishdik. Uchrashuv davomida turli hil bosqichlardan o'tdik.

– Javob o'yini oldidan ustunlik kim tomonida?
– Hech narsa hal bo'lmadi. Favorit yo'qligi kundek ravshan. Raqibimizning salohiyatini hisobga olgan holda ko'p narsa ayta olmayman. Bahs og'ir va qattiq bo'lishini bilardik, – deya Valverdening so'zlarini keltirdi Marca nashri.