SHukurali Po'latov: "Vazifamiz har bir o'yinda g'alaba qozonish"
/ Kiritdi: BestMaster O'qilgan: 1015
“Bunyodkor” akademiyasiga qarashli maydonda Farg'onaning “Neftchi” va Tojikistonning “Istiqlol” jamoalari o'rtasidagi o'rtoqlik o'yini bo'lib o'tdi.
Ushbu uchrashuvda farg'onaliklar 1:0 hisobida g'alaba qozonishdi. Biz “Neftchi” himoyachisi SHukurali Po'latovdan o'yin haqida intervyu oldik.
- Yangi mavsumga tayyorgarlik qanday kechmoqda?
- Tayyorgarlik yaxshi ketyapti. Asosan jismoniy holatimizga etibor qaratilyapti, kuniga ikki mahal mashg'ulot o'tkazyapmiz. Bundan buyog'iga o'rtoqlik o'yinlari ko'p bo'ladi. Raqiblar bor, navbatdagi o'rtoqlik o'yinimiz Toshkentning “Bunyodkor” jamoasiga qarshi o'tkaziladi.
- Bugungi o'yin haqida qanday fikrdasiz?
- Bugungi raqibimiz kuchli jamoa o'tgan yili ham o'rtoqlik o'yinida maydonga chiqqanmiz, bugungi bahs avvalgisidan ancha qiyin bo'ldi. Har bir o'yinga g'alaba qozonish uchun maydonga chiqamiz, asosiysi muxlislarimiz uchun o'ynaymiz.
- Klub rahbariyati oldilarga qanday vazifa qo'ygan?
- Har bir o'yinda g'alaba qozonishimizni vazifa qilib qo'yishgan. Muxislarimiz ham g'alaba qozonishimizga o'rganib qolishgan. Rahbariyatimiz kuchli uchlikka kirishimizni oldimizga vazifa qilib qo'ygan. O'tgan yili biroz omad yetishmadi, yaxshi o'rinlarni olishimiz uchun bizda imkoniyat bor edi. 2016 yilgi mavsumda yanada yuqori o'rinlarni egallashga harakat qilamiz.
Bosh sahifaga
204
