Futzal. Javlon Anorov: "O'zimizga ishonch ortishi uchun g'alaba muhim deb o'ylayman"

Unda qo'shnilarimiz 3:1 hisobida g'alaba qozonishdi. Uchrashuvdan so'ng terma jamoamiz azosi Javlon Anorov intervyu berdi.

- Dastlab Yanvar oyidagi Toshkentda o'tgan yig'in haqida nima deya olasiz? murabbiylar nimalarga ko'proq ahamiyat berishdi?
- Yanvar oyidagi yig'inda murabiylarimiz bizga asosan fizik va taktik jihatdan  mashg'ulotlar olib borishdi.

- Osiyo chempionati guruhimizdagi raqiblar haqida nima deya olasiz? Ularni kuchli va kuchsiz tomonlari nimada?
- Livan va qirg'izlar bilan o'ynaganmiz. Hozirgi paytda kuchsiz jamoani o'zi yo'q, eshitishimizcha ular ham qattiq tayyorgarlik ko'rishmoqda. Saudiya Arabistoni hali Osiyoda qatnashmagan, shuning uchun ularni qanday o'ynashini bilmaymiz.

- Hozirgi jamoamizning salohiyati Osiyo chempionatida qaysi o'rinni olishga qodir deb o'ylaysiz?
- Xudo xohlasa finalgacha borishni oldimizga maqsad qilganmiz. Bizni yigitlar hammasi tayyorgarlikni eng yuqori tempda olib borishmoqda. Murabbiyimiz ko'rsatayotgan taktikalarni o'zimizga singdirib bormoqdamiz.

- Pulpis bilan anchadan buyon ishlayapsizlar. Uning boshqalardan ajralib turadigan tomoni nimada?
- Pulpis trenerovka paytida jiddiy, u o'zini mutaxassisligi bo'yicha ustaligi shundoq ko'rinib turadi. Trenerovkadan tashqari o'zimizga o'xshagan inson, hazillashib turadi.

- Qozog'iston bilan ikkita o'yin o'tkazamiz. Bu o'yinlar bizga qanchalik foydali bo'ladi deb o'ylaysiz?
- Qozog'iston bilan oddiy o'rtoqlik uchrashuvi deya olmayman, chunki biz o'zimizni xatolarimiz ustida ishlayapmiz. Hozirdan Osiyo chempionatiga tayyorgarlik qilayapmiz, yigitlar o'ziga ishonchi ortishi uchun bizga g'alaba muhim deb o'ylayman.