Tomonlar to'rt yarim yil muddatga shartnoma imzolashdi. 24 yoshli hujumkor yarim himoyachi Qatar klubiga o'tganidan o'z xursandchiligini yashirmadi: "Faoliyatimda yangi chaqiriqlar bo'lishini istayman, shu bois "Al Duhayl" bilan shartnoma imzoladim. Menga klub 10-raqamli libosni taqdim etdi. Men ham shunga mos o'yin ko'rsatishga harakat qilaman".
Sal avvalroq "Al Duhayl" "Yuventus"dan Medhi Benatiyani xarid qilgandi. Mana endi yaponiyalik futbolchi bilan o'z safini yanada kuchaytirib oldi. Yapon futbolchisi kelayotganidan xabar topgan koreyalik yarim himoyachi Nam Tay Xi esa jamoani tark etdi. U "Al Duhayl"ning asosiy raqobatchisi "Al Sadd"ga o'tib ketdi. Yarim himoyachi ayni paytda jarohatini davolayapti. SHundan so'ng maydonga tushishni boshlaydi.
Malumot uchun, Nam Tay Xi 2012 yildan beri "Al Duhayl"da to'p tepib kelayotgandi va bu vaqt oralig'ida besh marta chempionlik hamda ikki bor Amir Kubogini qo'lga kiritgan. Qolaversa 2017 yilning "Eng yaxshi futbolchisi" deb topilgan. Ushbu futbolchi o'z terma jamoasi safida 44 bor maydonga tushgan. Nam Tay Xi "Al Sadd"da hamyurti Jung Vu Yong bilan birga o'ynaydi.
Bosh sahifaga
300