Jamoa juda kuchli guruhdan joy olgan, chunki "Al Hilol" guruh bosqichi o'yinlarini Qatarning "Al Duhayl", BAAning "Al Ayn" hamda Eronning "Istiqlol" klublariga qarshi o'tkazadi.
Ayni paytda "Al Hilol" Saudiya Arabistoni chempionatida birinchi o'rinda ketmoqda. Jamoa 18ta turdan so'ng 43 ochko to'plagan. OCHL bahslari boshlanishiga sanoqli kunlar qolganida "Al Hilol" muammoga duch keldi.
Gap shundaki, klub tarkibida 9 nafar legioner bor. Ammo OCHL zayavkasiga faqat to'rt nafari (3+1)ni kiritishi mumkin. Hamda kamida bir nafar futbolchi osiyolik bo'lishi shart.
"Al Hilol"da faoliyat yuritayotgan legionerlar:
Karlos Eduardo (Braziliya)
Alberto Botia (Ispaniya)
Sebastyan Jovinko (Italiya)
Bafetimbi Gomis (Franciya)
Andre Karrillo (Peru)
Xonatan Soriano (Ispaniya)
Ali Al Habsi (Ummon)
Milosh Degenek (Avstraliya)
Omar Abdulrahmon (BAA)
"Al Hilol"da osiyolik limit uchun uch nafar futbolchi mavjud. Jamoa xohlasa har uchalasini ro'yxatga kiritadi, xohlasa bir yoki ikki nafarini. Lekin boshqa futbolchilar ham o'ziga yarasha kuchli. SHu bois bosh murabbiy Zoran Mamich oldida variantlar etarli, biroq baribir kimni yakuniy ro'yxatdan tushirib qoldirish borasida boshi qotishi tabiiy.
Bosh sahifaga
743