Jamoa o'yinchi va murabbiylari qatori klublarning boshqa xodimlari ham yangi mavsumga qizg'in hozirlik olib borishmoqda. Klubning mavsum davomida uchrashuvlarni yuqori darajada o'tkazishida matbuot xizmatining o'rni ham beqiyos.
SHuni inobatga olgan holda Professional Futbol Ligasi Superliga va Pro-liga klublari matbuot xizmati vakillari uchun seminar tashkil etdi. Seminar davomida klublar media-bo'limi vakillarining o'tgan mavsum qilgan ishlari sarhisob qilindi va yangi mavsum uchun rejalar muhokama etildi.
2019 yildan etiboran har bir klub matbuot xizmatida matbuot kotibidan tashqari ijtimoiy tarmoqlar bilan ishlaydigan va bevosita rasmiy saytni yurituvchi administrator hamda fotosuratchi ham faoliyat olib borishi shart, etib belgilandi. Zero hozirgacha deyarli barcha klublar matbuot xizmati ishini bir nafargina xodim yuritib kelgan. Natijada ayrim klublar o'yinlari yoritilishida kamchiliklar, xususan, fotosurat etishmasligi, o'yin uchun boshlang'ich tarkib yoki o'yindan so'ng uchrashuv natijasi haqida xabarlar klub saytiga joylanishi ko'pincha kechikkan.
SHu jihatlarni inobatga olgan holda yangi mavsumdan etiboran har bir klub o'z matbuot xizmati faoliyatini to'g'ri yo'lga qo'yishi tartibga solinadi va bu licenziyalash jarayonida albatta tekshiriladi.
Seminar davomida yangi mavsumda uchrashuvlarni keng yoritish, o'yin ichidagi va uning atrofidagi voqealarni muxlislar etiboriga tezkorlik va chiroyli tarzda etkazib berishda etibor qaratish lozim bo'lgan jihatlar tushuntirildi. O'zPFL va klublar matbuot xizmatlari hamkorlikda amalga oshiradigan loyihalar bafurja muhokama etib olindi.
Jumladan, o'tgan mavsumlarda ayrim klublar mavsumoldi fotosessiyani ancha yaxshi o'tkazgan. Bazi jamoalar esa futbolchi va murabbiylar ishtirokida fotosessiya tashkil etish masalasiga etiborsiz qarashgan. Klub matbuot xizmati mavsum davomida foydalanishi uchun o'yinchilar va murabbiylar shtabi mavsum startidan oldin fotosessiyada qatnashishi butun dunyoda bor tajriba. SHuni inobatga olgan holda, Professional Futbol Ligasi 2019 yilgi mavsumda ushbu masuliyatni o'z zimmasiga oladi va Superliganing barcha klublari PFL matbuot va ijtimoiy tarmoqlar bilan ishlash bo'limi tomonidan uyushtiriladigan foto va video-sessiyada ishtirok etishadi.
Seminar davomida shu va boshqa masalalar bafurja muhokama etildi. Yakunda Superliga va Pro-liga jamoalari matbuot xizmati vakillariga licenziyadan o'tishi uchun sertifikatlar topshirildi.
Bosh sahifaga
207
