CIES xalqaro sport tadqiqot markazi o'z poziciyasida maydonda o'tkazilgan daqiqalar bo'yicha so'nggi besh yillikda etakchi bo'lgan futbolchilar reytingini tuzib chiqti. Yarim himoyachilar orasidagi etakchi A Seriya vakili Marko Parolo deb topildi. SHu vaqtgacha u 14691 daqiqa davomida maydonga tushgan (Xavbeklar orasida undan faqat Daniel Parexo, Kristian Eriksen va Koke ko'proq o'ynagan).
Hozir bu reyting va “Lacio”ni Parolosiz tasavvur qilish qiyin. Agar 2012 yil Parolo “Yuventus” taklifini qabul qilganida balki bu ro'yxatdan o'rin ololmagan bo'larmidi?! O'sha yili Parolo “CHezena” tarkibida qoyilmaqom o'yin ko'rsatgandi. SHundan so'ng, o'yinchi kuchli markaziy yarim himoyachi qidirayotgan Antonio Kontening etibori tushdi.
“Menga Konte hamda “Yuventus” menejerlari qo'ng'iroq qildi. Men bu xabarni eshitib uch kun uxlay olmadim. Kun bo'yi boshqa jamoaga o'tish yo o'tmaslik haqida o'yladim. Agentim tavakkal qilib ko'rishim, “Yuventus” — top darajadagi jamoa ekanini ko'p bor takidladi. To'g'risini aytsam, raqobatdan qo'rqdim. O'sha vaqtda “Yuve” markazida Markizio, Pogba va Pirlo o'ynardi. To'g'ri, o'zimga ishonaman, imkoniyatlarimni yuqori baholayman. Ammo ularni asosiy tarkibdan chiqarib yuborish osonmasligini ham yaxshi bilardim”, — deya tan oldi Parolo.
Agar Parolo “Keksa sinora”ga ketganida, balki hozirgi yutuqlariga erishmagan, ehtimol bir umr zaxira o'rindig'ida qolib ketgan bo'larmidi?! To'g'risi buni tasavvur qilish, aniq bir narsa deyish mushkul. Lekin bir narsani ishonch bilan aytish mumkin: Bugun erishgan narsasi, “Lacio” muxlislarining cheksiz muhabbatiga eta olmagan bo'lardi.
Nozima Zaripova tarjimasi
Bosh sahifaga
279