- “Hokim kubogi” musobaqasiga bo'lgan munosabatingiz qanday?
- Musobaqada jamoamiz bilan muntazam ravishda ishtirok etib kelamiz. Bu yilgi musobaqa ham har yilgidek yuqori saviyada tashkil etilmoqda. Bunday musobaqalarning bo'lishi Superliga bahslari oldidan biz uchun tayyorgarlik vazifasini o'tab beradi.
- Futbolga kirib kelishingiz qanday kechgan?
- Futbolga kirib kelishim Termiz shahridagi bolalar va o'smirlar futbol maktabidan boshlangan. Keyinchalik Toshkent shahar Respublika olimpiya zaxiralari kollejida futbol sir-asrorlarni o'rganganman.
- Futboldagi birinchi murabbiyingiz kim bo'lgan?
- Futboldagi birinchi murabbiyim Rustam aka Oripov hisoblanadi. U insondan men juda ko'p narsalarni o'rgandim. Rustam akadan hozirgi kunda xam ko'p maslahatlarni olaman, bir so'z bilan aytganda professional futbolchi bo'lib shakllanishimda u insonning xizmatlari juda katta deb bilaman.
- "Lokomotiv" jamoasidagi faoliyatingiz xaqida...
- Ikkinchi liga jamoalarida o'ynab yurgan paytlarimda,"Lokomotiv" klubining o'rinbosarlar jamoasida o'ynash uchun ko'rikka taklif etishgan. Murabbiylarga o'yinim yoqqanligi uchun jamoada olib qolishgan, sekin-asta o'z ustimda ishlab asosiy jamoa o'yinlarida ishtirok eta boshladim, bu erda men O'zbekiston chempioni va kubogi sohibi bo'ldim.
- Hozirgi kunda “Qo'qon-1912” jamoasi azosi hisoblanasiz. Jamoaga kelishingiz va faoliyatingiz haqidagi fikrlaringizni bildirsangiz...
- “Qo'qon-1912” jamoasi yordamchi murabbiyi Aziz To'xtaboev taklif qilgan, ularni takliflarini ikkilanmasdan qabul qildim va murabbiyimiz No'mon Hasanovga o'yinim maqul kelgani uchun jamoada olib qolishdi. No'mon aka meni turli xil poziciyalarda sinab ko'rdi. Qo'qonda bizga yaratib berilgan sharoitlar yaxshi, ayniqsa jamoa muxlislari har qanday holatda ham jamoamiz bilan birga.
- “Qo'qon-1912” jamoasi bu yilgi Superliga bahslarida o'z oldiga qanday maqsadarini qo'ygan?
- Maqsadimiz har doim yuqori o'rinlarni egallash, jamoamizning asosiy o'zagi saqlab qolingan va bu yilgi Superliga bahslarida ham yuqori saviyali futbol namoyish etib, jamoamiz muxlislarini xursand qilamiz degan umiddaman.
- Futboldagi eng yaqin do'stingiz kim?
- Futbolda ham hayotda eng yaqin do'stim Ikrom Aliboev hisoblanadi. U bilan bir jamoada o'ynaganmiz, birga mashg'ulotlar o'tkazganmiz, quvonchli va qayg'uli damlarda birga bo'lganmiz. Ikrom hayotda juda yaxshi inson, uning xorijdagi faoliyatiga muvaffaqiyat tilayman.
- Jahon va o'zbek futbolidagi yoqtirgan jamoalaringiz qaysi?
- Jahon futbolida yoqtirgan jamoam bu “Milan”. Yoshligimdan beri muxlislik qilib kelaman.O'zbekistondagisi albatta “Qo'qon-1912”. jamoamiz yuqori o'rinlarni egallashi uchun maydonda bor kuch va mahoratim bilan harakat qilaman.
- Jahon futbolida sizning fikringizcha eng kuchli murabbiy kim?
- Men uchun jahon futbolida eng kuchli murabbiy Yurgen Klopp hisoblanadi.
Dostonbek Umurzaqov suhbatlashdi.
Bosh sahifaga
115