"Fiorentina" — "Napoli"
Kubokdagi ajoyib g'alabadan so'ng "fialkalar" autsayderlardan biri "Udineze"ni (1:1) mag'lub eta olmadilar. So'nggi 5 o'yinning 4tasida "Fiorentina" to'p o'tkazmasdan o'ynay olmadi. Jamoa vakillari yosh bo'lgani uchun hali ulardan barqaror o'yin kutish qiyin. Lekin har bir o'yin kutilmagan voqealarga boy bo'lishi mumkin.
"Fialkalardan" farqli o'laroq, neapolliklar raqibini 3:0 hisobda mag'lub etishgan edi. Raqib jamoa etarlicha kuchli — "Sampdoriya" edi. Neapolliklar uyda osonlik bilan g'alaba qozonayotgan bo'lsalar-da, safarda bu ish ancha qiyin kechmoqda. Milandagi oxirgi ikki o'yin qoniqarsiz natija bilan yakunlandi: jamoa "Inter"ga 0:1 hisobda mag'lub bo'ldi, "Milan" bilan esa durang (0:0) o'ynadi.
Bugungi raqiblarning Nepoldagi birinchi davra uchrashuvlari "Napoli" foydasiga hal bo'lgandi. Jamoalarning Florenciyadagi o'zaro to'qnashuvlari tarixiga qarar ekanmiz, mehmonlar oxirgi uch o'yindan beri g'alaba nashidasini sura olmayaptilar. O'tgan mavsum neapolliklar "fialkalar"ga 0:3, hisobda mag'lub bo'lib, Skudettoga ega bo'lish imkoniyatini qo'ldan boy bergan edilar.
"Parma" — "Inter"
"Krestonosclar" "Yuventus" bilan durang o'ynab, chempionatda uchinchi o'rinni egalladi. "Parma" so'nggi daqiqalarda Jervinoning goli tufayli bir ochkoga ega bo'lishga muvaffaq bo'ldi. Oxirgi vaqtlarda "Parma" safarda ishonchli o'yin namoyish etmoqda. Lekin uydagi ketma-ket 4 uchrashuvda g'alabaga erisha olmadi. So'nggi ikki SPAL va "Roma"ga qarshi bahs jamoaning mag'lubiyati bilan yakunlandi.
Joriy yil boshidan beri milanliklarning og'ir ahvolda: bir marotaba ham g'olib bo'lmadi. Bu ham etmaganidek, A Seriya doirasidagi o'yinlarda bitta gol ham ura olmadi. Jamoa uyda bo'lib o'tgan so'nggi ikki o'yinda "Torino" (0:1) va "Bolonya"ga (0:1) mag'lub bo'ldi. SHunga qaramay, Luchano Spallettini istefoga chiqarish haqida hech kim og'iz ochmayapti. Sababi rahbariyat hali ham italiyalikka ishonch bildirmoqda. Raqiblar "Inter"ga etib olishmoqda, 4-pog'ona uchun uzoq qolmadi: 4 ochko xolos.
Birinchi davra uchrashuvida "parmezanlar" "Juzeppe Meacca" stadionida "Inter" ustidan 1:0 hisobda g'alaba qozondilar. "Parma" uyda "neradzurri"ga qarshi yaxshi o'ynaydi. Klub "Ennio Tardini" stadionidagi oxirgi 5 uchrashuvda 4 marotaba g'alaba qozondi. Top jamoa esa "Parma"ga qarshi bahslarda qiyinchilik bilan to'p tepmoqda. Milan jamoasi mavsumning ikkinchi yarmini qanday boshlab olganini hisobga olsak, bugungi bahsda ancha qiynalishlari mumkin.
Bosh sahifaga
146