Futzal bo'yicha Osiyo chempionatiga bag'ishlangan musobaqa bo'lib o'tdi FOTO

2016-01-23 17:10:01 / Kiritdi: BestMaster O'qilgan: 1542

23 yanvar, shanba kuni poytaxtimizdagi mini futbolga ixtisoslashgan “Futbol 20” sport majmuasi maydonida Osiyo chempionatiga bag'ishlangan musobaqa o'tkazildi.

Ushbu musobaqada turli soha vakillaridan iborat bo'lgan 6ta jamoa bosh sovrin uchun kurash olib borishdi. Ikki guruhda 3tadan jamoa finalga chiqish uchun kurashishdi.

"A" guruhida aktyor va ijodkorlardan iborat bo'lgan "Sanatkor" jamoasi, Oliy sud xodimlaridan tashkil topgan jamoa va "Bunyodkor" klubi xodimlari jamoasi. "B" guruhida Oliy liga hakamlari jamoasi, "Osiyo" va sport jurnalistlaridan iborat "Jurnalistlar" jamoasi qatnashishdi.

"Sanatkor" jamoasida aktyor Alisher Uzoqov, shoir Botir Ergashev va boshlovchi Davron Kabulov to'p tepishdi. Oliy liga hakamlari jamoasida Sayfiddin Ermatov, Ravshan Ermatov, Abdulhamidullo Rasulov, SHerzod Qosimov, Ahmad Ergashev kabi hakamlar o'ynashdi. "Bunyodkor" xodimlari safida sobiq futbolchilar Abdumajid Toirov va Aleksandr Xvostunov harakat qilishdi.

Uchinchi o'rin uchun bahsda Oliy liga hakamlari "Bunyodkor" jamoasi bilan to'qnash keldi. Unda hakamlar 3:1 hisobida zafar quchishdi. Hal qiluvchi final uchrashuvida esa Oliy sud xodimlari va "Osiyo" jamoasi o'ynadi. Qiziqarli kechgan o'yinda sud xodimlari jamoasi 3:2 hisobida g'olib chiqishdi.