Ravshan Ermatov: "Futzal terma jamoamizga omad tilayman"

"Xabaringiz bor, fevral oyi boshida Toshkentda futzal bo'yicha Osiyo chempionati bo'lib o'tadi. Ushbu musobaqadan oldin turli soha vakillari yig'ilib futzal o'ynab ko'rdik. Hakamlar, yuristlar, sud xodimlari, jurnalistlar, aktyorlar va boshqa soha vakillari bir birlariga qarshi maydonga tushishdi. Futbol millionlar insonlarni birlashtiruvchi sport hisoblanadi. SHu bois bunday musobaqalarni yanada ko'proq tashkil etish, uni ananaviy tarzda o'tkazib turish maqsadga muvofiq bo'ladi deb o'ylayman. Man bugun ko'plab yoshlar kelib o'yinlarni tomosha qilishdi, ular sog'lom turmush tarzini tanlashayotganidan barchamiz xursandmiz. Bunday o'rtoqlik musobaqalarida g'olib yoki mag'lub bo'lmaydi.

Osiyo chempionati orqali Jahon chempionatiga yo'llanma qo'lga kiritilishi mumkinligini bilaman. Albatta, barchamiz O'zbekiston futzal terma jamoasiga omad tilaymiz", - deydi Ravshan Ermatov.