Unda tashkiliy masala ko'rib chiqildi. O'z oldiga jiddiy maqsadlarni qo'ygan “Oq bo'rilar” boshqaruviga, jamoa bosh homiysi - “SHo'rtanneftgaz” MCHJ rahbariyati, klub prezidenti SHokir Davlatovich Jabborov qaroriga ko'ra, tajribali mutaxassis S.Kovshov rasman tayinladi.
O'z davrida mamlakatimizning bayroqdor jamoasi - “Paxtakor” tarkibida to'p surgan, katta tajribaga ega Sergey Gennadevich, taqdir taqqazosi bilan “SHo'rtan” murabbiyligini ikkinchi bor qo'lga olmoqda. G'uzorlik va umuman olganda, mamlakatimizning ko'p ming sonli muxlislari Sergey Kovshov 2007-2008 yillar oralig'ida “Oq bo'rilar” jamoasini muvaffaqiyatli boshqarganligini yaxshi bilishadi. Mahalliy muxlislar hurmati, etibori va mehrini qozongan, ular nazarida yaxshi mutaxassis hamda inson sifatida gavdalanib qolgan yangi murabbiy G'uzorda juda katta xursandchilik bilan kutib olindi.
Xullas, shu bugundan etiboran Sergey Gennadevichga murabbiylar guruhida Akmal Saitqulov hamda Erkin Mirzaevlar yordam berishadi.
Rasmiy xabar: Sergey Kovshov - "SHo'rtan" bosh murabbiyi
/ Kiritdi: BestMaster O'qilgan: 540
Bosh sahifaga
360